Day 3
來到了行程的第三天
我地都係食昨夜在便利店買定回來的早餐
因為今晚要返去大阪, 所以我地一早check out
我地的酒店
今天要去嵐山啊
好多人都問, 我第三次來京都, 為甚麼都要三訪嵐山> 我唔知呀, 我淨係知我好鐘意呢個地方, 覺得好京都 ~~(呢種係自己既感覺), 所以第三次來大阪京都, 我都要抽一天來嵐山(咁等如d人次次也要去心斎橋同梅田一樣之嘛, 我鐘意嵐山又咩問題?) 其實呢次去嵐山還有一個心願, 因為我好想坐嵯峨野小火車, 上次來京都碰巧是紅葉旺季, 我地買唔到飛, 今次朋友仔好醒, 一早在香港網上買定, 雖然係貴d, 但起碼不是望門興嘆
住京都去嵐山當然好方便, 我地亦唔洗好早出門口’
今日好好天啊!!!!點解昨天咁大雨架!!!
呢間舖頭在網上看過有人推介, 不過之前兩晚都找不到, 結果呢日終於見到, 不過無機會一試了
我地都係去地下鐵站去二条再轉JR,
乘JR山陰本線到JR馬堀站(Umahori)
呢程車半小時也不用啊
咁我地見時間好鬆動, 就去便利店飲杯野先
跟住再慢慢行去小火車的龟岡站(Kameoka); 好容易找的, 不用擔心
呢段路只係約十幾分鐘, 沿路都好大自然, 舒服
到了小火車站了!!!
好得意啊!
終於可以塔嵯峨野小火車
呢架火車的第五卡是露天的, 不過真係一票難求
我地係坐第一卡
從龟岡站(Kameoka)乘嵯峨野小火車，出發至嵐山站(Torokko)下車 (你也可以選擇在嵯峨下車)
沿路好好風光
嘩, 呢條急流你敢坐嗎
如果滿山紅葉或白雪或櫻花呢段路真係不得了!!!
終於嘗了小心願
多謝兩位朋友仔肯陪我來!!
下車後沿竹路往嵐山公園前進
呢個竹林影相一流, 但人流太多,要影靚相真係要想想辦法
過左竹林大家都被兩排商店深深吸引著
我見到你了!!!鬆弛熊café!!! 一定要影相留念
天龍寺, 今次沒有進入了, 上次是和另外三位朋友去的,才兩年多已經物是人非
我又來了, 三訪渡月橋!!!! 我覺得好靚啊
我今次都係去番呢間叫松枝的料理店吃豆腐料理, 上次吃過很好吃, 今次特登帶兩位朋友仔來
因為一早在網上訂了位, 所以不用等啊
但唔知係咪有好大期待, 今次我又覺得一般般
繼續出發~~
大家都忍不住開始要買野了
再經過鬆弛熊café, 謝謝大家肯陪我食個下午茶!!!!!
仲有一籠籠的公仔讓你拍照, 太可愛了吧
咁見成五點幾了, 我地都要離開, 而之前咪話我的腳好像唔多妥, 可能昨天浸了一天, 對鞋又不ok, 所以呢日行左成日嵐山, 我對腳已經開始有點走不動了, 係好痛啊!!!
咁我地去乘JR番去二条, 理應要轉一個地鐵站二条城才可番酒店, 但朋友仔突然興起,話不如由二条行番去二条城(其實只係一個站, 不拖喼是可以的, 大概要走二十分鐘) 雖然腳已經很累, 但又不想掃大家興,
就決定一齊漫步返酒店吧
返到酒店大概五點幾, 咁我地取番行李, 就要開始長征了, 沒錯啊, 我地要返大阪了!
本身我地拖住個喼行十分鐘去地下鐵去二条, 再由二条轉JR站返京都, 其實拖住個喼都有點輪盡,
咁去去京都我應該誤會左新快速同新幹線的走法, 結果攪左一輪, 大家決定俾貴幾百日元左右, 塔新幹線, 呢程車真係勁快勁舒服, 舒服到只係用左十五分鐘就可以由京都返回大阪, 大家甚麼攰到唔想下車(因為太攰而架車太舒服了) (同埋俾貴左也是值得, 因為當時真係好攰腳也很痛)
不過考驗還沒完, 我地又要再步行至新大阪轉Metro御堂筋線至心斎橋, 呢段路呢程車因為人好多, 我地都係迫住上車,好攰好迫啊, 到了心斎橋再搵埋間酒店, 已經差不多晚上9時, 真係好攰啊
我地的酒店, Hotel The Flag Osaka Shinsaibashi , 今年年初開的!!!
咁本身我地係香港時, 已在日本網站訂了一些東西送來酒店, 酒店大堂幫我地收件架, 你看足不出戶的戰利品有幾多!
其中的戰利品
雖然間酒店好新, 但間房因為係加床, 變得好細好細, 我地基本上係不能同時打開三個喼!!!跟住呢幾晚大家的活動範圍只能在自己的床上!!!日本的酒店也太細了吧! 幸好洗手間還不錯! (我當時攰到無影相, 不過下文會有張已經被我地攪亂了房間相片照出現)
稍事休息, 我地就落去搵野食, 咁本身我地去搵一間叫磯丸水產的店, 但一入到去好多人食煙, 我而家先知原來日本食肆不是禁煙的!點解之前兩次來日本也不覺的?? 咁真係好嗆好又難聞, 煙從四方八面而來, 我地決定唔食了, 咁又因為太攰, 最終去了快食個牛肉飯!
返到上房, 我隻腳真的不行, 細看之下, 原來兩隻腳各生了兩粒雞眼, 總共四粒, 怪不得痛到要死啊!!
咁我因為在香港時已訂左三對鞋, 剛好今天取了貨, 明天決定換個對鞋, 希望會好點吧
沒有留言:
張貼留言