2018京阪神七天瘋吃瘋買之旅~Day 2

Day 2

呢一日都未夠八點就起身

今晨的早餐, 昨天在便利店買的

好了, 出發了! 今天的重點節目係去貴船神社食流水麵啊!

去貴船神社的交通都比較繁複同遠遠地, 所以我地都係九點到就出發(為左呢個行程先諗住住京都咋)

嘩, 落雨呀!!!大煲了! 因為如果落雨, 流水麵的舖頭會close的!!!

但無法啦, 因為第二天我地已經book左飛去坐嵯峨野小火車, 唔可以將兩日行程對調, 咁只有繼續前進, 希望去到會停雨啦

俾大家看看條路線, 首先都係去番地鐵站乘地鐵~二条城前(京都市營東西線.六地收藏行) 至烏丸御池(京都市營烏丸線急行.國際會館行/7個駅)至國際會館站

 

跟住就要徒步往國際會館駅前/京都站 的巴士站, 呢個巴士站我地開頭搵唔到(其實好容易, 但我地方向錯左,問下人就會好容易找到) 搵一架(鞍馬溫泉-國際會館駅前/16個駅)至鞍馬溫泉行的巴士,呢程巴士約20分鐘~呢度d巴士有些上車俾錢, 有些下車俾錢, 大家不妨看看前面當地人點啫咭,

去到貴船口駅前你可以選擇往步上山(半小時斜路)或再轉乘京都33號巴士至貴船站(約5分鐘)、[貴船口/京都XX 徒步至貴船口駅前(約4分鐘)]下車徒步5分鐘至貴船神社周遭一帶

咁樣講好像有點複雜, 不過大家不妨可以download乘換案內呢個apps, 只需輸入所在地同目的地, 佢就會話你知點樣乘塔點樣轉車幾多錢時間要幾多等資料, 好方便架, 我地成個旅程都係靠佢!!!

我地乘地鐵左轉右轉去到國際會館站, 跟住上地面去搵巴士站, 雨仍是下個不停

呢架係我地要乘的巴士, 因為剛剛走了一班, 下一班都要等左差不多半小時才有 , 巴士係52號啊

上車後雨勢也越來越勁咁

下車了, 終於抵達貴船口駅前

大家有無發現, 我地要著外套!!!5月尾還在著外套, 當時實在羨煞一眾香港的朋友! 不過都係因為下雨, 天氣才冷冷地, 個兩日京都天氣都係十幾二十度, 正到呢, 不過其後返大阪都係短袖上陣了

如果不下雨會是甚麼景色呢

 

你也可以選擇乘電車來, 這是電車站

咁我地當然不會爬上山(如果不下雨還可以考慮), 都係乘京都33號巴士至貴船站!

5分鐘左右抵達了!!

大雨到呢, 本身好天時, 呢度就係食流水麵的地方, 可惜都沒有開門了!

  
沿路小徑

 

一場來到, 當然要去寺廟參觀

我都寫了願望樹葉, 但低b的我竟然將樹葉倒轉來寫!

離開寺廟, 繼續向上走, 終於見到我本身想去吃流水麵的地方, 真係飲恨啊

因為大太雨了, 大家的腳也濕了, 我因為著左對converse布鞋去旅行, 非常之唔舒服(對腳的災難還有下文, 一陣待續), 所以大家揀左間食定食的餐廳食下野~

 

呢間定食人均要港$300-400, 唔便宜, 但當時又濕又攰, 都係一個好好的休息地方, 佢仲包埋專車送我地返去貴船口駅前 (慳番那33號巴士下山的車資), 都算係咁啦

沿路其實都好靚

咁我地乘番巴士再轉番JR就番出去京都站了~等車期間雨停了~

雖然最終吃不到流水麵, 有點美中不足, 但三訪京都, 終於有一次可以來到這裡, 也算係不錯之行, 呢度好靚好清幽呀

塔左成個幾鐘車, 第一時間去試都里路, 上次吃不到, 今次終於試了, 都係排左十幾分鐘就有位

真係好好食啊!!!

之後就逛逛地下街, 又去了買茶葉, 開始shopping 了!!

行左一陣我地又去飲杯野!!!Y小姐仲要去左飲龍蝦湯! 我地食糧好驚人!!!

咁再行左一陣, 唔知係咪隻腳濕哂, 好唔舒服, 人變得攰攰的(有關架咩)

咁就去搵野食了

咁原來係京都站搵食都唔容易, 周圍也要排隊, 本來想吃迴轉壽司, 但排了二十分鐘都無起色, 大家又好攰了, 決定求其去搵間野食

最終去了吃拉麵

味道也是一般一般

臨走也要同鐵塔影張相吧

今天的消夜

今晚覺得隻腳開始好痛, 唔知係咪雞眼又出來了, 不過都無得諗了, 希望休息一晚會好點吧 (誰知”災難”已正式開始~~)