子游與天空之城: 6月 2018

2018年6月25日星期一

新春燒烤樂

大掛住寫行山遊記, 竟然忘了在農曆年期間, 也去了一個小郊外燒烤, 係邊度? 就係好近我屋企的龍鼓灘!

說好近, 其實在市中心要乘45分鐘接駁車才去到, 但車資竟是4.X, 當遊車河也太抵了吧

因為無咩目的, 只係想吹下海風, 遠離下商場, 所以都係周圍逛逛

2018年6月23日星期六

3月的時候天氣已經開始回暖，小小的人怕凍但更怕熱（係呀係好麻煩的人），行山運動似乎很快要停停，要等秋天再臨先可以再起動喇。咁呢次2018春天收爐之作想搵d新路線走走，我一直情繫西貢，就係西貢埋手啦，而呢次我又好快相中左位於西貢的罾棚角咀，好可惜搵左好耐資料，發覺要去罾棚角咀必須要經過一d峭壁同手腳並爬的路段（可能有捷徑或其他方法，但我地係網上始終搵唔到可以避開呢d路段既路線，除非繞一個超級大圈），咁最終考慮到體能、天氣與技術，覺得仲未係時候（貼近峭壁行wow，恕我淆底喇。老友，做人要識驚架，係咪？），決定放棄罾棚角咀，搵番d輕鬆點的路線，最終決定行附近的西灣山。

今次既路線：西灣亭—西灣山—浪茄－東壩　（共8公里）

2018年6月21日星期四

最長的旅途 ~ 分流之旅2018

“分流”從來不易

分流位於大嶼山的西南部，為香港最西南的地方，因擁有泥黃色的珠江水與東部海水的交匯景色而得名。我睇中左分流真係好耐了，但前往分流殊不簡單，路程長達18公里，富行山經驗的人士也要走6個小時，更何況我這種質地既中青？所以從不敢高攀分流。直至月前，朋友仔的朋友說在分流釣魚時，發現了中華白海豚的蹤影，不禁又再燃起遠走分流既決心（十年前曾在大澳碼頭岸邊遠眺過白海豚躍上水面的情景，至今仍然很懷念啊）。心動不如行動，揀日不如撞日，同朋友仔講，行就行喇，唔好再諗咁多，就成就左呢次分流之行～～

路線：從石壁水塘出發，途經狗嶺涌，再到分流東灣、分流炮台、分流西灣、煎魚灣、二澳至大澳為終點。