直至兩年多前，開始克服將個頭浸落水的恐懼，
我就開始嘗試同＂水＂玩遊戲
今次同朋友仔選擇了位於馬來西亞的沙巴
很多人都問，你地都唔叻玩水，做咩要揀去沙巴？？
無錯，不諳水性的我們揀左充滿＂水＂o既沙巴作為我地落腳點，
以下o既遊記就話俾大家知，我地點樣係沙巴hea左五日
今次我們乘搭的是馬航，下午3點半機，點解揀咁晏？基本上一日只有呢班機去沙巴，所以無得揀。
雖然時間頗晏，但我又覺得唔錯，係屋企慢慢hea下食下早餐執下野，再悠悠閒閒咁去機場，其實都幾寫意（有朋友甚至建議我返半日工，下午先出發去機場都仲趕得切，哈哈）
去到機場都成兩點，（自遊行實在有呢個好處，唔洗早成兩個幾鐘去到機場）馬航服務唔錯，有專人係櫃台附近已開始serve我地，之後hea左一陣就可以上機了。
天色好黑吧，原來就快掛黑雨了
我地3點20分左右上機，點知等到成5點先起飛，delay接近個半小時，係架飛機上已經訓左好多轉咁，其實我個時只係到諗，原本我地的抵步時間大概係下午6時30分,我地在沙巴住的酒店離市中心又很遠，再delay咁多先起飛,恐怕抵步後已出唔返市區食野了,又什麼對策呢??
結果係無對策，乖乖的等到8點先到步，加上馬拉人動作真係好慢，過關都用左半小時，等埋行李已差不多8點半了
係當地機場唱埋錢（其實市中心唔會平好多，為方便計，大家可在機場May Bank到唱），就要搵接我地o既人，我真係第一次見到有人舉起有自己名字的牌，哈哈哈！
其實我地今次買左永安的package,包酒店、機票同機場接送，連稅約＄5300（當然，價錢很視乎你住邊間酒店）
匯合埋其他＂紙牌人＂，我地就跟左位Leon的guide,乘車往酒店出發了。(往後幾天自遊行,不知為何也與Leon有緊密的聯繫,哈哈)
看見嗎,去到已差不多晚上10點!!仲要因為俾人check in 先,我地差唔到攪到1030先攪掂手續!
我地今次住o既係叫NEXUS的resort,5 stars架,因為佢擁有自己無敵的私人海灘,所以離市區足足要成小時的車程,超遠啊!
http://www.nexusresort.com/new/
不過,我地實在太喜歡大自然了,:), 為左離開大城市,遠一遠我地都想住下
由於係車上聽到Leon講Nexus的傳說(真麻煩的男人!),本來住garden view的我們,決定即時upgrade自己住ocean wing
註:Nexus真的很大,分garden, ocean同villa,villa當然係闊太先住得起,而garden係離lobby有十五分鐘的路程,沿路有樹、湖、野生動物,感覺真的很森林,所以我地最後都補錢住番與lobby相連的ocean wing
攪左一輪,要去食晚飯了,好彩酒店仲有間餐廳未關門
了無人煙
有餐包送,正!
超級薯!!!
炸雞飯,不俗
呢餐約需$130馬幣
由lobby行番去房,都要成十分鐘,你話呢間酒店係咪好大間?我地疏洗完都成一點幾,第二朝morning call係6點半啊! 因為我地要出海了!
沒有留言:
張貼留言