本來約好司機8點Lobby等，我地6點半就起身梳洗，仲諗住早些食完早餐先出發，點知係我地搽緊防曬之際，哈哈，我個電話竟然響起來！7點鐘？邊個咁早呀？原來係leon，天呀，佢竟然話今日天氣好差，美人魚島之旅要暫時擱置！！我地走出露台，見到天陰陰，仲未落出雨，但海浪真的很大，leon話美人魚島個邊好大浪，浪高過快艇，無可能出海。哎吔，真係so sad，美人魚島係我地今次旅程最重要的一個節目！不過無辦法啦，唯有改第二天才去吧。
我們又九秒九諗對策，本來第三日的行程安排去紅樹林，我地即刻問可唔可以改今日，Leon又話要問下local tour個邊，咁我地只好乖乖地等佢電話啦
7點鐘，有咩好做？無理由又訓番，梗係去食早餐
Nexus有兩間提供早餐的餐廳，分別係penyu 同fisher
昨晚去了penyu食晚餐，今日就試下fisher吧
感覺係，無論環境同食物質素，都係penyu好些，所以之後日日都係返penyu食早餐
跟住我地就去參觀下間靚靚酒店，其實佢真係好大，係度hea幾日都得架
超巨型的棋，真係郁得架
係度做spa 真係超正！！
有陽光出來了，其實我們身處的內島都算大浪，外島可能真的很差吧
係呢個時候，Leon終於打俾我地了，紅樹林之旅沒有問題，我地可以下午join番呢個local tour,見仲有時間，梗係去超級靚靚泳池游下水啦！
我終於係度可以扮下kingsley喇！坐在bar枱旁，雙腳浸在水中，一邊喝著夏日特飲,吃著熱烘烘的炸薯條,一邊享受著明媚風光,吃著喝著,又隨意的躺在水中,真的好開心……..超正!
大煞風景的是,有人說如果茄汁跌入池水,該怎辦?
,這個…….當真是超ugly la游得咁上下,我地要淋浴更衣了,因為下一站就係我們紅樹林之旅!
沒有留言:
張貼留言