瑞士塵世美之旅--Day 1

瑞士塵世美之旅

日期：2012年11月16至25日

人物：C小姐、K小姐和小小的人

地點：歐洲寧靜之國—-瑞士

由於無時間，亦無人願意肩負plan行程的重任，今次我地決定參加旅行團了！舒舒服服享受十日o既行程！同朋友仔有共識，唔想參加一d去好多地方的旅行團，日日浪費係交通上，又走眼看花，所以最後敲定只去一個國家－瑞士，尋找塵世最美。

我地今次揀左翠明假期，總結而言，雖然貴，但真的不枉此行。

Day 1

夢寐以求的歐洲之旅，終於出發了！

由於去歐洲的航機大多在深夜起飛，星期五出發就最好，因為可以放工先碌去機場，慳番一日假。

我地乘坐的是瑞士航空，晚上11時59分起飛，去程要13小時左右，都幾甘，不過想深一層，都係來回屯門同香港仔三次的時間，尚算頂得住。去程時我們坐中間，四人位，難得C小姐肯犧牲，坐在另一陌生人隔離，真的夠義氣，當然其實佢應該無問題o既，哈哈，因為未起飛已睡了…….（但回程就慘了，下回分解）

大概凌晨１時便派第一次飛機餐，由於我們坐機尾，到我們時已沒有東西可揀，只係雞肉，味道，一般吧。

對我來說，這是第二次坐長途機，對上一次已是十年前去澳洲那次，但那次是一個人飛，感覺又是另一回事。今次懂得去機尾拿東西吃了（嗯，我們還拿了好幾次，哈哈）。我依然沒變的是，訓唔著！其實係飛機真係好難訓著！13小時的機程，雖然人很疲累，我想我真正睡著的只有45分鐘！因為坐到腰骨痛，仲企左好耐！好不容易才捱到早上！

早餐，幾好味！仲有2小時才到，唯有看戲吧！