今天就係呢個旅程最重要的其中一天，我地要登雪山了！
好早起身呀，呢個旅程我地日日都係六、七點morning call，都幾攰架，不過為左爭取時間睇多d靚景，幾早都值得！
早餐係酒店食，今日的早餐就不及之前五星酒店咁豐富，只有蛋、煙肉、火腿、包包同飲品，選擇唔多，不過我覺得都ok la。
真係好早架，天都未光，Zermatt真係好靚
而天氣都好好，我地咁遠到見到咁清晰的Matterhorn！
好了，要出發了！一班人浩浩蕩蕩咁去登山火車站了，領隊話我地要搭第一班車！無咁多人wor！我地將會乘登山火車上海拔3090米(約11000呎)之高的Gornergrat，觀賞對面的Matterhorn。此程火車需時45分鐘，途經幾個車站，方便滑雪的人因應不同高度而設。
屋仔越來越細
領隊教我地要坐係面向車頭右邊的座位，因為沿著右邊的山路可以飽覽Matterhorn馬特洪峰的美景，真係一個大貼士！Matterhorn有尖錐金子塔外形見稱，係瑞士其中一個名峰，每論係邊一個角度看，佢都係三角形的。而瑞士三角朱古力亦以此為名，所以又名朱古力山。
我地一路影，心裡一路納罕著！！好鬼靚！！
好似聖誕咭咁…..
嘩,呢個站好凍！可能太陽覆蓋唔到……. 唔知Gornergrat會有幾凍呢……..
由於上雪山，今日我地都出動最重型的裝備，帽、手套、羊毛內衣等等……而我地今日都好感恩，因為真係好好天氣！有好大的太陽！我之前睇好多blog，很多人上到雪山，一係大霧，一係陰天，一係好大雪……什麼也看不到…..我地真係好好彩，領隊都話天公造美！！都話我唔係黑仔架啦…..
見到馬特洪峰！！
火車軌
Gornergrat位於海拔3090米(約11000呎)，領隊話要去到約14000呎先會有高山反應，不過為安全計，我地動作都不能太大……
到達了！！原來也不是太凍，可能我地有太陽伯伯照住吧！天氣真好！
而Gornergrat本身有兩間精品店和一間酒店，其中一間精品店仲有wifi，嘩！可以係萬一呎高空打咭！！！好型，點知…….瑞士就係咁得意，唔鐘意開舖就唔開……有wifi的精品店竟然無開！！無得打咭tim。呢度本來話會有聖班納狗同遊人影相……不過佢地都無開工呢！
攀山隊開始歷險！其實……十來分鐘就到山頂
呢度重係阿爾卑斯山區第二大冰河，戈爾內格冰河，冰河原來是這樣子的！！
朱古力山！好宏偉！！
一望無際的雪山
係雪地上行要去小心，稍有不慎就好似踩入沼澤咁，隻腳拿不出來似的！我地就咁試過，攪到d雪入哂對鞋，濕哂，哈哈，係雪山上除鞋倒雪，經典！不過大家真係要小心，團友們雖然都著上雪靴，但如果唔小心踩到冰，就一樣會跣低，兩位朋友仔就真人示範了……好彩大家的衫都夠厚……
萬一呎高空的教堂！
呢度真係好靚，我地好唔捨得走，真係覺得自己係無線攝製隊，勇闖珠峰！發夢都無諗過可以去到咁靚的地方！
沒有留言:
張貼留言