2017紐西蘭聖誕九天大自然探索之旅~ Day 3 Part 1

12月24日平安夜

呢間酒店的早餐也可以, 好像比晚餐好, 但不算有太多的選擇, 當然要試試奇異果汁同奇異果吧, 真係幾好味~~

今天天氣陰陰寒, 好似好想落雨, 仍然要著住件厚風褸~~

第一個景點係蒂普亞毛里族文化中心及地熱區 (Te Pula Geothermal Valley)

 呢度展示左毛里人獨有既藝術文化, 而最重要既係佢地既地熱區, 溫泉滿佈, 泉水最高可以噴到幾十呎高架~~

紐西蘭的入場門票真係幾貴~~~呢度好像都要港紙300蚊入場費

 

毛里人村莊展示區

我地去探訪紐西蘭國寶之一Kiwi鳥, 因為佢地怕光, 裡面黑媽媽, 不准影相, 本來搵唔到, 走番出去, 但有團友終於見到佢出來, 叫番哂我地入去, 好彩最終都俾我地見到隻呀~~雖然黑媽媽看不清, 但知道係好肥好大隻的~~圖為展館外的標本

沿路見到manuka樹呀

遠遠看到地熱溫泉的煙,已經 好重硫磺味

 好勁呀噴得~~

被煙霧重重包圍

 

不過朋友仔唔太欣賞, 又話無咩特別, 竟說覺得有點後悔來到紐西蘭, 天啊~~才第二個景點, 怎麼快沒有興趣了~~我覺得很有趣啊~~

跟住去左鹿茸店, 我就真係唔太感興趣了, 但跟團也實在沒辦法, 最好笑係呢度參觀的時間比之前的地熱溫泉仲耐啊~~當然, 如果有興趣買這類產品的朋友, 也不失是一個選購良機

參觀完臨上車就落起大雨來了, 這裡一提是, 紐西蘭一年四季的降雨機率也很高的, 記住要帶遮呀

去吃午餐前, 我地要乘大約兩小時的車, 係呢程車我一路loop歌一路欣賞景色, 來紐西蘭其實遊車河都係一種享受~~ 
 (呢個旅行重點聽的歌係無心法師的插曲”最長的路途”,一個人在途上係我呢個旅程既中心思想, 哈哈,好鬼無聊呀, 但好啱feel)
每段路都有不同的風光, 就好像經過每一段人生咁, 小小的人又再巨蟹上身, 無限引申中~~團費很貴, 但這裡的風景真的值回票價

最長的旅途

《無心法師》片尾曲

 風帶著他走上
最長的旅途
一路跟著晚霞
再沒有停下
擁著溫暖星光
也吻過夜裏的花
一路肆意流浪
還記得故鄉嗎

任生命穿梭
時間的角落
它靜靜看著人們 愛過和恨過
隨時間漂泊
隨它忘了或記得
他離開她的回憶
重複的活著

 真係堅loop無限次, 好好聽,好啱當時的心情啊~~

呢度真係見羊見牛多過見人

不過場雨越下越大, 我在美妙音樂下亦都小睡了一段時間 (另, 呢個領隊好像不太愛說話, 不太講解, 係車上很多時大家都係睡覺~~)

醒來又出太陽, 紐西蘭你真好, 時晴時雨確實是你本色

今天午飯在一間沒有玫瑰的玫瑰莊園吃飯

可自選主菜,  

我選了魚, 但好失望沒有味道

其他配菜也可以

甜品反而不錯啊~~有自家製曲奇

這裡環境也很不錯

飯後有少少時間, 大家都出去莊園拍拍照, 朋友仔愛美, 怕哂, 選擇留在室內, 咁我就自己去拍照吧~~不過之後情況越來越嚴重, 好多時我都唔理佢了,哈哈, 自己去拍過夠~~

陽光下的繡球花好美

我最喜歡的小黃花啊~~

 

雖然不是很多, 但見到小黃花好開心

新貴啊~~

之後出發前往懷托摩鐘乳石洞同螢火蟲洞啊(Waitomo Cave)~~呢度係世界七大自然奇觀來的, 好期待!!