2017紐西蘭聖誕九天大自然探索之旅~ Day 3 Part 2

12月24日平安夜

終於到左呢度世界七大自然奇觀來的托摩鐘乳石洞同螢火蟲洞啊(Waitomo Cave)~~

早上下雨時還陰陰寒, 但落車時呢度突然溫度急升, 好熱啊, 又要除外套~~

不過洞穴內氣溫很冷, 進去又要著番外套~~

進入螢火蟲洞, 由於不能拍攝, 唯有講下我既感受,

首先會看看鐘乳洞的建構, 一百年才能成長一公分的鐘乳石，而內裡竟有數十公尺高的鐘乳石, 大自然真的鬼斧神工, 不過可能係旺季(12月至2月是紐蘭既旅遊旺季) , 真係好多團, 堅多人, 每一個check point都要等上一團完左先可以上前, 但領隊同我們講解幾句後, 就會發現後面已有數團等著, 我地就要急忙轉移至下一個點, 旺季就是這樣吧,

呢度主要係睇發出藍綠光的螢火蟲,  要坐小艇去看, 係漆黑的小河裡,抬頭望見成千上萬的藍光, 真係好滾動啊, 如同看見滿天繁星, 小小的人真的覺得好靚啊~~比起上次在塔斯曼尼亞看的還要多, 平安夜看到我最愛的小星星, 真是一份很難忘的禮物啊

摘自網上圖片 (與當時親身看的幾乎一樣)

 

 地底的星海, 以人間天堂來形容也不為過~~~靜靜的感受, 閉起雙眼, 其實你也能感應星星在那裡~

平安夜下, 當你看到星星時, 你會想起誰?

一個人在途上太久, 很多時候會感到很迷失, 有好一段時間我不再相信星星會為我指引出路, 但每當我累透時, 我仍會貪婪的仰望星空, 希望在那遙遠的天邊, 得到點點安慰~謝謝星空從沒有離棄我, 無論我到了世界那裡, 你仍然在身邊

平安夜下, 和你看著星星的又會是誰?

 離開洞穴了

看完”小星星＂，我又感性完喇,  一行人出發從Rotorua返回奧克蘭市了

途經一個補給站, 買了少少野食~

進入奧克蘭市, 海港大橋~~朋友仔又唔多有興趣, 影完兩張相又嚷著上回車~~(她好像對很多地方也不太有興趣, 我也弄不清怎麼一回事, 真係弊家伙~~)但其實我覺得好靚啊~~

今次翠明安排的車, 我很滿意

 右邊的高塔便是Sky Tower 了, 我地今晚食飯的地方
(Sky Tower天空之塔是奧克蘭市的一座觀光及通信塔，塔高328米是南半球最高的獨立建築物, 是每年除夕放煙花的地方),

我們今晚住的酒店Sky City， ( 呢間酒店係全個旅程我覺得最靚的一間, 亦係唯一有企缸的!! 我不喜歡浴缸啊, 可惜只係住一晚) 

剛才買的小吃, 一早說要試的L&P汽水, 都幾好味 

呢包芝士波一直都未有機會吃, 而家仲係我張書枱上呀(返左來一個多月了)

 

稍事休息, 我地就去Sky Tower食平安夜大餐了~

呢間餐廳係旋轉餐廳來的~~景觀一流

都係可以自選主菜,  

我揀左牛, 朋友仔揀左魚, 都好好味啊~~

呢碗蕃茄湯好好飲啊!!!

甜品也很不俗, 朱古力球內包括士多啤梨Mousses, 好味~~呢餐大滿足!!

奧克蘭夜景

不過上菜時間好慢, 我地又攪到成10點半先上番去酒店房, 攪左一輪, 又要成一點先settle down, 因為明早要飛去南島, 所以又要執好個喼~~

呢晚係平安夜, 小小的人例必有點神傷, 雖然有個伴, 但感覺也是一個人在途上~~ 其實好攰呢三天又無咩訓過, 但呢晚依然睡得好差, 明天Morning call 要6點, 早到呢~~~