12月26日
黎到行程的第五天
Queenstown – 南阿爾卑斯山脈 – 箭城
– 博士峰登山吊車 – 古蒸汽船 – 高原牧羊場
早餐都唔錯，不過今日就無飲奇異果汁了, 轉轉口味飲下橙汁
我地今日咁早出發去邊？就係坐直升機上南阿爾卑斯山脈雪山呀～～呢個係自費項目，目測應該九成團友也有參加，自費每人約港幣二千多元，咁人一世物人世，無咩機會坐直升機，仲要去雪山，咁就豪一豪啦
不過一落車，我才發現唔記得戴太陽眼鏡！大穫！
就係呢間飛行公司
要先磅重再分座位, 我地被安排坐後排
好緊張啊～～
起飛了～～
紐西蘭山山水水，怎樣看也很心礦神怡, 真係勁靚
到達山頂，機程約１５分鐘
好似去左瑞士啊！！
因為正進入夏天, 很多雪已溶了, 但依然係 好正,
大概停留１５分鐘就要走了～～
不過沒有戴太陽眼鏡，好傷眼啊！大家記得唔好好似我咁做傻事！
一次難忘的體驗！原來一點也不驚啊！！
乘直升機有好講天時地理，呢一日好感恩天氣好好，可以預期出發～～
接著我地出發去一個叫箭城的小鎮閒逛. 箭城係十九世紀初期尋金者聚居之小鎮, 大家都去feel下尋金夢先
呢度無咩人，好悠閒的小鎮
我們也有進去試食的朱古力店
之後去左釀酒園,
試下紅酒咁啦, 咁紐西蘭紅酒應該無法國咁好吧? 但對我這些唔識品酒的人來說, 分別唔到, 都係差唔多啫, 哈哈
葡萄園
跟住去左睇人跳笨豬跳
目測大部份都係女士跳啊, 果然女人都係比較勇敢~~呢度條bungy jump景色係一流呀
我地團當然無人肯跳, 呢d野都係留俾後生玩喇
繼續前進, 早說過紐西蘭的遊車河也是一種享受, 我又繼續聽著"最長的旅途", 當時係好眼訓好眼訓, 好像幾十小時沒有好好睡過了
然後我地要返去皇后鎮博士峰食午餐～～
要乘登山cable上博士峰,呢一日遊客好多,我地都要等左半小時才上到車~~
我地今次吃buffet, 餐廳叫skyline,好多選擇, 味道不錯, 好喜歡呢個雜菜湯~~
呢間餐廳可俯瞰 瓦卡提普湖Lake Wakatipu美景, 好靚啊
係呢個時候可以選擇自遊活動或者跟領隊乘旅遊巴走(因為下一個節目在兩小時後, 有些團友會選擇乘旅遊巴返酒店休息), 不過目測大部份團友都決定在山頂自行解散~~
我地都決定唔跟車返去酒店, 時間輕鬆些~而為左爭取時間到皇后鎮遊玩, 好多團友吃飽飽都快閃了~~
可惜朋友仔要打卡同揀相再upload 到社交網站, (基本上佢去到任何一個點都要打卡同post 相) 咁我唯有等下啦, 雖然心裡好想快點出外逛逛~~等到有點發霉時, 唯有望下出面個景
朋友仔見我只顧望住窗外, 忍不住問我, “以前的你也會打卡啊, 為什麼現在完全沒興趣?”
其實我不是不玩社交網站, 但現在的確是少了很多了, 尤其是在旅遊時~~
近幾年我終於明白一個道理, 與其不停在與其他不在現場的人分享旅遊既喜悅, 得到短暫的回應或讚美, 何不把握時間, 自己好好享受當前既風景, 這些感受與經歷才是永遠屬於自己啊~~
現在你們去旅行, 又會選擇第一時間分享, 還是第一時間感受世界呢?
好喇, 朋友仔終於揀好相post埋上網, 我地可以起行了, 我首先就係衝出去觀景台啦, 呢度係可以俯瞰整個皇后鎮架, 不過呢度好大風好大風, 又好凍, 好難影相, 咁朋友仔又話無咩特別~就返左入室外繼續打卡, 典解咁靚都覺得唔特別呢??? 太奇了吧~~~咁我自己影左一陣, 太大風, 都閃番入去了
之後我地乘纜車落番山, 行番皇后鎮大約要15分鐘~~
😌
回覆刪除