遊記又再次登場了，興奮！今次出走地平線的地方，是南半球的澳洲塔斯曼尼亞省Tasmania，洗滌心靈之旅正式展開！！
出發日：2014年11月7日
人物：小小的人、K小姐
形式：又是貪方便啊，跟團，無人識揸車嘛，(懶就懶啦)連續第三年選擇翠明，不過今次有很多安排上的不足，令人氣結，待續。
團費：塔省的團費很高，比歐洲某些地方還高，但天數卻只有八天～～澳洲幾時變得咁貴呢？？
（團費約$20,300 , 機場燃油附加費約$2,700, 領隊小費$1,120, 保險約$300, 旅行社待辦簽證$100, 共約$24,500），好貴呀，雖然只係唔包一餐,兼已包所有門票,但只有八天咋，咁係咪物有所值，且看下回分解！！
貨幣：澳紙這一年回落了不少，唱的時候大概是6.8左右啦，比起我十幾年前去的1兌4,
升幅還可接受吧
洗費：其實都是因人而言，睇下你洗唔洗買下UGG咁啦，領隊建議我地帶3千蚊過去已OK, 因為塔省其實無咩野買，不過當地的消費水平都唔平（但人均收入高嘛），買枝綠茶都要差不多港幣28蚊，食碗雲吞麵大約就70蚊到，飲杯咖啡呢，30幾蚊會有交易，大家心中要有數了。
對塔省的期許：翻看早前的東歐之旅總結編，原來只是今年一月寫的，當時寫下了一個Wish List，列出五個我未來最想去的地方，Wish List 是什麼？請點擊。第一個就是塔省！！想不到不足一年時間便成行！！要感恩，自己再有彈藥同找同travel buddy同我去一個咁＂悶＂的地方（我其實唔覺得悶的，但好多人都唔太鐘意這樣靜態的地方，而我確實也需要抖抖了，始終儲錢的能耐遠遠追不到我洗錢的速度，哈哈！），有時候原來不需要計劃太多，考慮太多，做到的就去做吧！！
澳洲有我最愉快的旅行回憶，我很懷念它的大草原、小樹熊和漫天星宿，想起在零下唔知幾多度的凌晨在巴士站等車兼過生日，真係超級那些年！情懷始終未變！！多年來沒有其他旅行可以取代呢！雖然今次去的地方不盡相同，而且仲要跟團，但我依然是十分期待！不過期待過大，又驚失望越大，究竟最終係點呢，大家繼續睇落去就知道。
靚相率先登場～～
蠔場，湛藍色的咸淡水，清徹非常
優哉悠哉的澳大利亞！！！！！
期待……
回覆刪除請多多捧場:)
刪除