出走地平線@塔斯曼尼亞、墨爾本洗滌心靈之旅 Day 4 Part 2

Day 4 Part 2

朗塞斯頓Launceston~~

菲瑟湼Freycinet (Oyster Farm)~~

酒杯灣Wineglass Bay Lookout~~

蘇瑞爾水果農莊Sorell Fruit Farm~~

荷伯特 Hobart~~

Wrest Point

Photo of the day~~

******************************************

食飽飽，下一站去邊？又係食呀，今日食過不停，我地會出發去蘇瑞爾水果農莊Sorell Fruit Farm！

沿途so nice！！

 

來到了

 

莊園主人為我地介紹種植了甚麼水果

，好多都唔知係咩，哈哈

 

 

 

 

還有很多不多品種！全部都差少少才到收成期

 

好大的莊園！！

 

最後我們來到士多啤梨園！！今天的主角！這個啱時候了！

 

 任摘時間到了，好開心呀！！

開頭都唔知甜唔甜，唔敢摘太多，不過見團友一路摘一路食，咁我又試下啦，其實當你一摘的時候，依附在士多啤梨的＂蟲＂就係瞬間走開，我見到都有少少驚，識我既人都知，我有潔辟同驚青到死，唔洗食唔食得架，但黎得呢d大自然，就要有豁出去的心（講到好勁咁，其實只係食粒士多啤梨）（我豁出去的事情還陸續有來，哈哈！），咁死就死，唔就就唔洗啦，嘩，好甜呀，係真係好甜！！跟住當然係快摘啦，哈哈！

我的戰利品！！後尾去看看價錢牌，呢隻size既盒盛惠5蚊澳幣，大約$35港紙，真係好抵又好味呀！！大家揸車經過時可以入來玩下呀！

但呢度提提大家，6至10月不是時令水果收成期，呢段時間無生果摘架，但就會有其他節目例如食草莓雪糕來代替

摘完士多啤啤就去睇下佢d副產品果醬呀蜜糖呀，不過唔太抵包裝又唔靚，所以無買了，混吉！~~有酒試飲

 主人給我的薰衣草！！

今日既活動好塔省（明我講咩嗎），好好玩好開心！開心仲未完，我地有餐豐富晚餐添！！出發返酒店！！我地會離開朗塞斯頓Launceston~~，去塔省最大城市荷伯特 Hobart~~

今晚住的酒店叫Wrest Point，住兩晚，開頭見到佢有賭場，覺得俗不可耐（好無謂的批評，哈哈），但佢竟然有wifi，係wifi!!大家都顛左呀！好興奮，竟然有網上呀！！唔係話要洗滌心靈架咩？？做咩要掛住上網wor!!

 

我們的酒店房，好滿意

因為時間尚早，我地係房裡面上左陣網先去食晚餐，我地食咩呢？就係係呢間酒店一間好出名的餐廳Pier One, 呢間餐廳係塔省攞過獎架！

 

 

 對住個海食，無敵！！環境一流！

可以自己揀course，據領隊講，呢個餐要港紙$500一個人架

我的頭盤揀左 Otway Pork Belly，幾得意，味道唔錯，好似我地d燒腩仔，不過塊皮太硬，食唔到

K小姐的Confit of Ocean Trout

主菜我地揀左牛扒，太大塊了，無可能食得哂，而且太熟了

但菜好好味，好爽好脆！

呢張相除左想show成張枱都係揀牛外，亦想講俾大家知，我地對上網個種瘋狂程度，要即刻charge番電！！

甜品我㨂左Dark Chocolate Macaron Tart，朱古力嘛，一定是我杯茶

K小姐的Baked Apple and Honey Pudding，佢話好食，但就不是我杯茶了

呢餐大滿足呀！！

影下夜景，我地呢間酒店好得！

 

番上房，好忙呀！！黎左咁多日，最忙係今日，要覆whatsapp, email， facebook呀！香港人！點樣洗滌心靈呀！！

我地仲要繼續食士多啤梨呀！！好彩聽晚唔洗轉酒店，唔洗執行李咋！

不過唔之係咪食得太雜，呢晚我有少少肚痾，慘！！

而我地間房望住個海，又唔知係咪個窗有事，成晚都聽到風聲，大風到好似打八號風球咁，開頭聽到都驚驚地，不過太攰了，好快都訓左。