出走地平線@塔斯曼尼亞、墨爾本洗滌心靈之旅 Day 2 Part 1

Day 2 ~~ Part 1

Melbourne to 朗塞斯頓Launceston~~

醬料天堂Tasmanian Gourmet Sauce~~

莎菲鎮Sheffield~~

搖籃山國家公園Cradle Mountain~~

Cradle MT. Chateau~~

Photo of the day~~ 

*****************************************  

係澳洲過關要有耐性呀，我地排左大半個小時才過左海關，攞左行李要再排隊去清關，去澳洲記住唔可以帶肉呀，雞蛋、生果入境，藥物都要申報，不過我地填左無帶野入境，關員沒有抽查我們～～（記得上次來時，有個Auntie要我帶兩隻糉入境俾朋友仔，關員真係拆開隻糉來檢查，不過佢發現唔到隻蛋黃，予以放行，哈哈，真係有驚無險呀！呢一幕我仲記到而家！）

清關後領隊話要去搵轉機的check in 位置，咁樣一等，又半小時，其他團的人都走了，領隊究竟帶過幾次塔省團？？

自助行李輸送櫃位，都幾得意，放張boarding pass就會出哂我地d資料，再自動幫行李寄艙。

攪左一大輛，終於再過關等轉機，開頭以為等四個鐘頭轉機會好耐，點知都唔係。

梳洗完之後就逛了一陣，其實得幾間舖頭，見仲有時間，我地就去飲杯熱朱朱啦，上下網

 （之後都無咩機會有wifi了～～）但Melbourne 機場的 wifi幾弱下

係呢個時候，我地望下張boarding pass,先醒起原來唔係一齊坐，跟團wor, 一向領隊都會幫我地同團友攪番好一齊坐架啦，咁我地就問下領隊啦，佢竟然話，＂點解係香港時，你地唔同地勤講呀？個地勤咁既，唔出聲既＂嘩，咁我地其實要個領隊黎做咩呢？張boarding pass係佢親手俾我地，佢無理由唔知我地分開坐，除非佢根本無睇，仲賴人地個地勤，講真，你地係一團人，航空公司只會俾足夠座位你地團人，唔會理邊個打邊個，通常d領隊會自動幫團友調好，手寫番個座位編號係boarding pass到架啦。更何況，香港個邊個地勤有提我們轉機會分開坐，只係我地當時滿以為領隊會幫我地調，所以無理到。呢d咁小既服務都唔做，仲好似講到我地唔出聲，佢係咪唔收服務費先？之後其實都唔洗旨意佢～～

我地就係乘坐呢個螺旋槳內陸機，好型呀

 

上到機，團友們如夢初醒，大家先至自己調番位。我們飛當地時間中午12時10分，全程需時1小時10分鐘。雖然話機程短，一唔一齊坐都無所謂，但呢d咁基本既野，係咪都要幫團友安排下呢？領隊經典事還陸續有來～～

小食，薄餅包，味道不俗，但略賺雪得太凍了，還有朱古力包，好味！

塔省，我們來了！！

好大的海，好長的的海岸線

好好陽光呀！

終於抵達朗塞斯頓Launceston，我們的第一站！

呢個機場真係一眼望哂，好細！不過太急趕，未及影相就要上車

見到個車，好唔開心囉！！！係第一眼已經覺得好唔開心，我們連領隊共21人，佢安排了1架24座van仔俾我地，另有一小拖車載行李，車廂內沒有放置手提包的空位（即車頂沒有行李架），座位是一邊1座位，另一邊2座位，所有座位均十分狹窄, 不能將雙腳往前伸展, 擠迫異常。而因為有團友在如此擠迫情況下仍1人佔2位，我們為了可以一齊坐，當時只能選擇最後排的孖位，此排座位比前座矮了一級, 我們被前排椅背完全遮擋視線，看不見任何人!! 感覺侷促，窗子亦比前座細少，不能清楚看到窗外景色，我們竟要就此度過整整四天！翠明不是說自己優質過人？它憑甚麼可以收這樣貴的團費？（領隊解釋塔省沒有大型旅遊巴，但其後我們看見鄰團「永安 」所安排的旅遊巴比我們舒適得多，即使我們人數較少，也可以安排一些座位較闊落、有多些位置擺放手提行李的車輛。真係好唔開心！！座位的事還有下文）

俾架車大家望下

正式出發了，雖然架車令人一肚火，但無損我對塔省的期待。其實搭左一整晚機，又要轉機，已經好攰了，不過參加旅行團就是這樣吧。第一個地方是去食tea, haha, very nice.

醬料天堂Tasmanian Gourmet Sauce

自家製的scone和新鮮水果醬料，我覺得幾好味架，嘆番杯熱茶，心情靚番，而且環境好好，雖然係室外，周圍都係樹，但一隻蚊都沒有，可想而知主人打理呢個莊園有幾細心

食完野就行下莊園啦

好大的草原，是我久違了的澳洲！