出走地平線@塔斯曼尼亞、墨爾本洗滌心靈之旅 Day 1

Day 1香港至Melbourne 墨爾本~~Launceston 朗塞斯頓

Photo of the Day~~

晨光第一線@澳洲上空

我地今次係乘坐澳洲航空Qantas，會先乘9小時30分鐘到墨爾本 Melbourne，然後再轉機1小時10分鐘去塔省，話長唔長，話短唔短啦～～

起飛時間為晚上7:30，跟旅行團當然要早好多去到，4點半集合，坐巴士的話我地就要3點前出門口。個朝早其實已經9點起身，行李亦一早執好，但ｄ野執完可以再執，食埋晏又再執，真係攪到3點先可以出門口，加上發現個喼其實已好重，最終都係決定唔塔輕鐵去巴士站，改塔的士去市中心再轉巴士。（今次無咁豪，塔的士出機場了～～）

去到機場只係稍稍遲左5分鐘，見到我們的領隊，唔開名了，仲之之前在電話對話時感覺已很一般，之後就～～

領隊俾左boarding pass我地，我地就自己去check in, 今次有進步，我個喼上磅大概15Kg，始終都無帶太多厚衫。地勤有提我們轉機時會分開坐，建議我地同團友對調，咁我地梗係大安旨意等領隊幫我地跟啦，所以無特別理會，check in完就入去食個early dinner la

M記，至抵之選～～

行左一陣，好快就夠鐘上機了

我發覺自己越來越怕坐overnightt的航班，因為一定訓唔到，第二朝去到目的地一定無精神，加上機程長，其實諗起都怕，好彩今次坐窗邊二人位，而且不近廁所，very good.

好靚、很近的月亮和星星，可惜影唔到

澳洲航空Qantas派餐時會一邊派完再派另一邊，避免坐機尾的乘客永遠選不到合心水的膳食，另一餐就會派另一邊先，感覺公平。今次晚餐會先送給另一邊乘客，所以等到差不多他們吃完了，才派到我們呢，那時已差不多十點了～～好彩有M記打底

我選了什麼呢

是雞肉意粉，味道不錯，甜品芒果慕絲也好味

今晚選了「黑魔后」來看，又幾好睇wor, 睇完差不多11點半，四周圍包括朋友仔都睡了，除了我後面那太太，她全程都非常騷擾我，不時用腳踩著我的椅背，不時又站起來，用手抓著我的椅子，最後還伸腳到我椅柄邊搽藥油！！我完全訓唔到！(基本上後面另一團人是十分噪的)

不過，到左2 點9左右，又開燈派早餐，係，係早餐呀！！

因為之後日日都係食西餐，我決定揀個中式早餐來吃，蝦餃好唔錯！I like it!! Qantas空姐服務好(其中一名Cat姐還開咪點名歡迎我地幾個旅行團)、食物質素都要讚！

我地清晨5點鐘(香港時間)就落機了

註：澳洲夏天比香港快3小時，抵達當地時間為早上8時，即刻較返個錶先。