荷伯特 Hobart~~
里蒙奇小鎮Richmond~~
農莊及牧羊中心 Curringa Farm & Sheep Center~~
Mt. Field 菲爾山國家公園（羅詩瀑布）Mt. Field National Park (Russell Falls)~~
野生動物園 Wildlife Park~~
荷伯特 Hobart~~
Wrest Point
Photo of the day~~
**************************************************************************
玩得盡興，就出發去Mt. Field 菲爾山國家公園（羅詩瀑布）Mt. Field National Park (Russell Falls)了！
行入去瀑布大約15分鐘，簡單建步行，搏命呼吸零污染空氣先！
到左瀑布，都幾靚呀
呢棵樹有幾高？影唔到個種震撼
倒下了的樹，又成為滋潤新生命的養份
雖然個瀑布無咩特別，但勝在可以行下國家公園，郁動下，都好洗滌心靈呀！
Wow, 又出發了，去邊？去探樹熊呀！！（明明賣點係睇Tasmania devil 塔省惡魔～～袋獾架，唔理啦，我最掛住係樹熊呀！！）
先看看Womat，好可愛呀！！又蠢蠢地咁，非常得我歡心，今次仲可以摸下佢個pat pat，原來佢個佢pat pat好有用架，因為佢地個pat pat好硬淨，當有敵人時，佢地會用個pat pat塞住個樹洞，阻擋敵人來襲！好聰明呀！！
呢隻係bb
跟住就去睇塔省主角，袋獾la
個樣生得好唔得人歡心（以貌取人，好主觀！）
唔係主觀，佢地係食肉動物，好惡架！！
食緊小袋鼠屍，好狼好狠！
都係睇番佢
最窩心的樹熊呀！！
呢隻好大隻，好清醒，雖然唔俾抱，但可以同佢影張合照架～～
國寶真係國寶，好惹人喜愛！！
入場時，領隊每人派左一包飼料，用來餵袋鼠。當時我覺得無咩可能，雖然我好鐘意見佢地，但我同小動物從來只能遠距離相處，加上近年越來越有潔辟，觸摸還可以，但叫我去餵飼確實令我好猶豫。
去到餵飼場，勁多袋鼠，朋友仔似乎比我更驚，大家都好淆底。但一場來到，係咪都要試下呢？我決定又要豁出去了！（明明都只係餵飼料，講到好大件事～～）（但如果你識我，你會知道這是創舉！）
我一開始就唔知點揀，因為真係太多隻，咁就揀左隻企係附近的，都幾大隻下，我都覺得自己好勇，點解唔揀隻細少少？我一攤開手，佢就伸個頭來吃，嘩，其實唔係諗到咁緊要，佢只係用個嘴係到啄你，不過佢好多口水！！佢食既速度實在太快，我包野就快餵完朋友仔都話未影到一張好的！Oh my god!!
我地跟住轉戰搵隻細的，無錯，搵左隻bb，一早就應該啦，起碼無咁驚先。
Bb顯然溫柔好多，個嘴細細的，軟軟的，當我望住鏡頭時，突然feel到有兩隻小抓捉著我的手！我先是一驚，再望下，原來隻bb用佢兩隻手捉住我！！我原以為會好驚，但呢一刻我覺得好窩心！係非常窩心！雖然明知係因為我隻手郁來郁去，佢食唔到先捉實我想我定d，但我覺得係呢隻小動物向我伸出友誼之手！！（開始無限引伸～～）佢都唔驚我，點解我要咁驚佢？？原來我同小動物係可以咁和諧相處的！要俾個叻自己，亦要多謝呢隻袋鼠bb，多謝你呀！！（好誇哩～～但我真係好感動～～）
呢隻Womat公仔好得意
本來想係度買隻樹熊公仔俾我的小最愛，不過因為款式唔啱同衛生問題（我的潔辟又來了，唔知有無人摸完動物唔洗手再摸落去d公仔架嘛～～我堅有潔辟～～），所以無買住。跟住就要準備返酒店食晚餐了。
臨返酒店前，領隊車我地去一條購物街逛逛，不過九成舖頭都關門了，才不過下午五時。
我地係Target百貨公司搵到佢，澳洲必買手信木瓜霜。呢隻野話搽蚊叮蟲咬、皮膚敏感好使得，呢度5蚊澳幣一支，約＄35港紙，應該係我地行程裡面見到最平的！（有些地方賣成6至7蚊），返香港萬寧見到，要成＄78 一支架，足足平一半！
跟住出發返酒店lu，今日晚餐都係番酒店，不過唔係Pier one lu，係食早餐的餐廳，buffet來的。
食物供應款式和質素都唔錯
有青口添，不過無尋日係蠔場食咁好食了
重點係右上角的朱古力mousse
，我吃了兩杯
食完七點幾，個天仲好光，決定出去碼頭影下相
有點像屯門的黃金海岸
呢群白鴿好慘，因為我為左影張追住佢地既相，佢地被迫飛左四次，哈哈，由岸邊被我迫到馬路咁滯。
碼頭岸邊全是青口和蠔，完全可以順手拈來而且無污染！不過我再手震！！
呢晚仲有wifi ,所以都幾忙~~不過要去執行李，聽日一早要塔早機返墨爾本lu， 塔省行程，將告一段落。咁快就完？？？好唔捨得呀！！我唔要返去大城市呀！！
呢兩日真係玩得好開心！完全係我心中的塔省！最感恩是太陽伯伯，謝謝你天公造美，日日都照耀住我地呀！！
明晚重頭戲是看企鵝！依然期待！！
沒有留言:
張貼留言