Day 6 Part 2
荷伯特 Hobart~~
墨爾本 Melbourne~~
市內觀光
曲克船長小屋 Cook’s Cottage~~
黑森林咕咕鳥餐廳自助餐~~
企鵝歸巢 Penguin
Parade~~
Stamford
Photo of the day~~
******************************************
好大風呀，好大個海呀！！呢度溫度又跌番好多了！
好大的雲海
呢條橋就係通往Philip
Island
6點鐘，我地會先係小鎮呢間中菜館食晚餐，係成個旅程第二餐中餐，今日食龍蝦呀！！
每人有半隻，都唔算細隻既，好味道，仲配上白酒，我都飲左少少高興下
成枱係餸，隻雞腿好好味，但因為食完午餐都唔夠三個小時，仲好飽，浪費了很多東西！廚師見到一定好唔開心！！
起行喇！要再坐半小時車才到。因為Philip Island會比較凍，所以又要拎番件大褸出來，都話係澳洲一日可以經歷四季。
好緊張呀！！見到太平洋了！！
時間尚早，我地會先係附近影下相！！
黃昏的你好靚！！
浩瀚的太平洋！！！勁大風。
團友又係影幾張相就上番車，點解無人會想enjoy下個環境？？定係我太多情？哈哈
朋友仔話呢度係靚，但都係海一個。我既感受就好唔同，我真係覺得好感動！！這份感動是打從心裡發出的，大自然是治療心靈的一服良藥，只要懂得欣賞，你會感受到一個人其實並不孤單。
繼續出發，我們要去海灘區睇企鵝上岸返屋企喇！
記得上次來時，已經係13年前既事，那時候是冬天來的，超凍超凍，坐係岸邊成個鐘，我直頭用頸巾包埋半張臉都抵受不到海邊吹來的強風！個陣來觀賞既遊人唔多，大慨只有幾十人，秩序很好，也很寧靜，雖然企鵝上岸數目不多，但我仲好記得自己係條棧道追著那幾隻企鵝時的激動與感動！！是一次極難忘的經驗！
今次又會是怎樣呢？
車準備轉彎落海灘時，離遠看見海灘已坐滿黑壓壓的人群，大抵已有過百人坐著，當時心諗，咁多人既？落車之後，見到周圍都係旅遊巴，好多人呀！好多最強國家的人！
去到場館，大會計算到企鵝大約要晚上8點半才回巢，我地大約仲有1個小時逛逛。
其實見到好多簡體字的標語，已經覺得他們在地球的滲透率是百分之一百！！
係到我終於買左小樹熊公仔喇，當然是澳洲製，約港紙＄200，希望我的小最愛會喜歡。見到很多中國同印尼製的公仔，我唔明點解夠膽拿出來賣，質素相當之差，價錢也不是便宜很多，完全走哂樣，簡直侮辱了樹熊袋鼠！！我地仲買左羊脂膏
沒有太多時間看介紹，8時正，我們要出去睇身長只有30公分的皇帝企鵝喇！！
因為海灘區不能影相呀，所以只能口述我的所見所聞！
出到去海灘區，都幾凍幾太風，應該得十餘度，不過始終是夏天，比起冬天來已好很多。
海鷗因為太大風關係，好多時停留係我地頭上，飛唔到向前啊！
我地太遲出去，所以只能坐在較後位置。就我所見，個場有成幾百人，比十幾年前來，規模大了很多！！
而當中有九成都是中國人！！昔日情懷已不復在～～
他們有些人不守規矩，拿相機出來影相？！又不停站著來看，阻著坐在後排的觀眾，縱使工作人員多次勸喻，都無改善！好失禮（公平點說，其實也有其他國籍的人是這樣，但他們是大多數，看起來就更加多人不守規矩！！）
從前我來的時候成個觀景區都好寧靜，今次噪好多呀！！點解去到人地既地方唔可以尊重下既呢？？為左做旅客生意，當地政府係咪又只為金錢，無限量擴大觀賞區域已唔理d企鵝感受??
等左一陣 ，見到喇！！雖然好遠，佢地好細隻，但係昏暗既環境下，佢地上岸喇！先係左邊上了幾隻來，然後又跳回水中，佢地好得意，會派幾隻上來先探路，Ok先會叫其他同伴上來，如是者跳上跳落了幾次，終於拉大隊上岸，係排好隊架，好得意架！！同一時間，另一邊岸又有一隊上岸，唔通係聲東擊西？？
就係第一隊企鵝冒上水面、準備列隊行上岸時，最強國家的遊人亦都一齊起身離開！！咁其實佢地黎係做咩架呢？？d企鵝都未行近沙灘你就走？！只係睇幾分鐘！！
企鵝雖然細少，但都行得幾快，好敏捷咁～～一轉眼已消失係我地面前
我地慢慢行番出去步道，見到企鵝已經上左岸，我地可以近距離望下佢地，佢地有些會鑽進草洞內，有些繼續向前行，帶頭個隻仲會時不時停低，等埋後面，齊人再走，好團結，好可愛！！
可惜人類實在太噪，好多人一見佢地就大叫，其實d企鵝係咪已經慣左？但我見到有d都好似好驚咁～～
我好鐘意企鵝呀！！謝謝你們為人類帶來這麼多歡樂！！希望我們的觀賞活動不會太騷擾你們！希望你們的家不會被人類的發展而遭到更大破壞啊！！（似夢想多些～～）＠＠
大約9點半，領隊話太夜了，返酒店要兩個小時，不停趕我地上車呀！！坦白說，我坐了九個半小時機來墨爾本，再用了三小時車程才黎到呢度，留耐少少都唔算過份吧。不過跟團就是這樣了～～
再見了，企鵝們！！希望我們會再有機會見面！！
黎左澳洲咁多日，其實仲未有機會看星星，呢程車就幫我達成心願，看星星。雖然始終不及當年在Sydney 市郊Armidale 過的Starry
Night咁多星星，但我依然很鍾愛澳洲的星空！！
呢程車最終搭左1個半小時就返到酒店，我地本身係安排住Crown，唔知點解最終住Stamford，團友一去到就話，呢間野分新舊兩幢，而結果我地會入住舊個幢，舊都不是問題，心諗都唔會太差，點知～～
我一入間房，唔開心到連相都無影到！！佢個間隔好怪，有廳有廚房，似足apartment都唔係最重要，重點係殘殘舊舊，暗暗沉沉，最騎呢的，係張睡床面向著洗手間門口！！試試想你坐在床上，面向著洗手間的鏡子，感覺有多怪！！而張床好細，張被唔知點解太重拿不出來，只能睡睡袋般將自己攝入被裡。個廁所又窄又舊，間隔古怪，窗外有什麼景色，也不要有期望吧，是酒店另一邊的房間！一個字，差！！我未試過跟翠明會住間咁差的酒店！！
而原來大部份團友都好唔滿意呢間酒店呀！！仲要住兩晚，傷心！！
因為呢間野無wifi，加上成間房俾人感覺好唔舒服，再加上好攰，所以都係訓覺了，不過都要攪到成一點鐘呀！
沒有留言:
張貼留言