出走地平線@塔斯曼尼亞、墨爾本洗滌心靈之旅 Day 6 Part 1

Day 6  Part 1

荷伯特 Hobart~~

墨爾本 Melbourne~~

市內觀光

曲克船長小屋 Cook’s Cottage

黑森林咕咕鳥餐廳自助餐~~

企鵝歸巢 Penguin Parade~~

Stamford

Photo of the day~~

****************************************************

今天又係一早起身，因為要塔早機返墨爾本呀，我真係好唔捨得塔省呀！！如果可以自遊行就好了，可以玩耐d

呢間酒店的早餐我好滿意。（呢間酒店我都好滿意，不只因為它有得上網，係因為感覺好舒適，環境亦開揚，望住個海，但世估唔到之後住的會好差好差～～好慘呀！）

過左關，就行左一陣，呢度有幾間商舖，有幾多手信買下，呢到可以買到塔省薰衣草熊，價錢大約60-70 澳紙，唔平架，不過made in Australia，都算係咁啦（後尾係墨爾本唐人街見到，雖然平d，但個樣好流下，唔知真定假，都係係番大舖頭買有信心保證。我本來都睇中左隻樹熊俾小最愛，不過佢內置左個音樂咪，我唔太鐘意，所以無買，希望之後可以搵到隻又靚又係made in Australia既樹熊啦（太多made in China，我唔想買呀）

係呢個時候，領隊就話幫我地全團人調番位（佢終於記得自己係領隊），我同K小姐本身又係唔同位，且看佢點編番。點知攪左一輪，佢話我個位有些少問題，跟住又將K小姐的位俾了人（佢本身是坐路口位的），調來調去，又話我地唔可以一齊坐，是旦啦，反正都係一個鐘，你調唔到都無辦法。

認得佢嗎，塔省的代表！！

但上到機，先知座位是三三，每邊三人位，K小姐本身的路口位俾左團友，自己變成坐三人中間位，隔離仲要係兩個唔識的鬼佬，迫到死！而我坐窗口位，隔離坐左個好肥的鬼佬！最興既係，原來全團人又係得我地兩個分開坐！！領隊再一次搵我地笨！！我真係好唔鐘意呢個領隊！！次次都蝦我地！！勁憎佢呀！！

 

曲奇小吃

呢程機又係一小時十分鐘，離開塔省lu,，我會掛住你架，唔知我仲有無機會再來呢？

今次係墨爾本安排番架40座俾我地，但已經補唔番之前我們失去的！憤怒mode仍然～～

墨爾本暖番好多，大約有二十多度

 

我地會先去幾個市內觀光點

 

聖伯多祿教堂　

亮點是那片雲彩

曲克船長小屋 Cook’s Cottage

費茲萊公園

我地出發去食午餐，呢程車都坐了很久，我斷斷續續都訓左好耐。

黑森林咕咕鳥餐廳自助餐，呢間餐廳話好出名，係一間來自德國KOEPPEN家族係1958年開設既特色餐廳。

 

裡面佈置好有瑞士feel，仲有當地人士現場演唱德國同瑞士既民瑤

 

食物唔錯呀，我好鐘意佢的湯！

 雞腿好好食呀，其實佢都好多選擇，不過我的腸胃繼續麻麻，所以都不敢吃太多

 

仲有朱古力蛋糕，好味

可能呢間餐廳會接待好多唔同團體，歌者會問在場人士來自甚麼地方，才唱番一d我地會識既旋律。

開頭我們前面坐了一班中國旅客，佢地會好大聲話自己come from China

但當歌者問我地係咪都係come from China時，我地都異口同聲話：No, we come from Hong Kong!!呢種對自己身份既認同，真係寸步不能讓！！

飲飽食醉，我地出發去Philip Island睇企鵝！！好期待呀，闊別十餘載，想不到我可以再次重臨菲利普島！！！興奮！！呢程車要三個小時，中途會食過early dinner先