Day 8
墨爾本 Melbourne
Hong Kong
Photo of the Tour
********************************************
繼續係酒店食早餐，同尋日一樣～～
跟住就上車去機場了～～
車程不用半小時，就抵達機場，今次過關幾快，不用一個小時就完成所有程序，可以係商店作最後衝刺！！
呢度好多舖頭呀！！
我地搵到急凍鮑魚，不過K小姐話佢同事可以幫佢搵到d更平的，所以無買。而我見一場來到，都買番兩隻青邊鮑俾屋企人試下啦
呢兩隻青邊鮑共重接近0.5kg，原價＄118澳幣，旅客有折，折後就＄106澳幣，即港幣$740左右。佢地會問你去邊個地方，再俾足夠乾冰你hand carry上機～～
跟住我地轉戰一間專買公仔同特產既鋪頭，我又買了少少朱古力同一隻小樹熊（哈哈，呢隻細少少的，我諗住可以俾小最愛揀要邊隻，我太縱佢了，對嗎？也不是吧，多出的一隻是給我自己嘛）(大隻個隻係睇企鵝個日買的)
買買下，連散紙都用哂，可以鳴金收兵了～～
係呢個時候，又發現有wifi,
好像與世隔絕左好耐，玩左一陣就上機了
呢程機我地都係坐窗邊二人座，非常好～～
澳洲，再見了～～有機會我會再來的～～起飛時間係上午11時正
因為係早機，我覺得無咁辛苦，起碼唔洗驚訓唔著先～～
不過我尋晚失眠呀，所以起飛無耐就訓著左，我諗都訓左大半小時，跟住我揀左套＂Into the storm”(中文好似叫颶風中心)消磨時間，都幾緊湊。睇睇下就派餐了。
我揀左咩？
今次無得揀呀，因為今次都係派另一邊先，到我地個邊時已剩番雞批，不過出奇的好食wor，甜品係朱古力慕絲，好味呀，澳航既膳食質素好唔錯！！
食完無耐，又熄燈～～明明係中午時份～～
唔訓了，就睇下大家影既相～～
呢度有熱朱朱飲，仲有粒綿花糖，讚～～
又有菠蘿味雪條，正！
坐到腰骨都直，我地發現了一件好驚訝的事～～前座有個操流利廣東話及英語的中年女人赤腳走入洗手間！！係赤腳！！仲要係幾次！！好核突呀，個廁所濕漉漉架～～我真係接受唔到呀～
第二套看的是＂Frozen” （冰雪奇緣），都唔錯，睇睇下就派下午茶了
Mini
burger, 熱辣辣，好味，再一次盛讚澳航的質素！！
食完就等落機！！
呢程機都要九個半小時，但回程好像比去程容易，返到香港係下午5時半！！回歸現實了～
我地之前已經決定要搭的士返屋企，一生總要豪一次～～（又係呢句），所以6點半就可以返到屋企，爽！
返到屋企梳洗完食埋飯，平時既我一定會執喼，但呢晚非常疲倦（明明無做過野），只能抽哂d衫出黎洗就算，仲有半喼手信同雜物我都無力處理～～十點鐘就訓了，好攰啊～～
第二朝執好番d手信，其實買左唔算多～～食物的手信嚴重不足，下次唔該要買鬆d了
我會再寫多篇後記，勁長氣吧，記住來看！！
沒有留言:
張貼留言