巨蟹座經常受月亮星座影響，陰晴不定，呢期好需要呼吸大自然的氣息，洗滌心靈～～
但狀態不佳，要揀近屋企同易行的，最終選了行大棠
細過時候學校成日都會去大棠，近十年我都好少去，僅記得有次跟舅父去遊車河，仲係山上遇到眼鏡蛇，驚險～～另一次就係同班朋友由大棠行去大欖，仲要係夏天，行左五、六個鐘頭，仲以為自己會無命添，哈哈～～
先係朗屏西鐵站搵Ｋ６６接駁巴士，但我地行錯路，又咁啱病情發作，痛死我，又搵唔到個站，真係人都顛。
車程大概二十分鐘，係總站前一個站落車就得。
附近有好多野玩呀～～
本來有行落去諗住望望，但沿路沙塵滾滾，我唔太鐘意，就決定繼續上山
呢段路也不算太難～～
開始見到這些洋紫荊的姐妹～～羊蹄甲，好靚呀～～滿山也是花
來大棠不一定要賞紅葉，盛開的花也很美～～其實大自然經歷四季會有不同景色，大家不要只著眼傳媒所報道的東西呀（不過這樣也好，起碼無人報道，唔洗同人迫，可以慢慢欣賞）
真係好靚，春天開的花特別動人
見到佢地，心情大好～～
去到郊野公園了，可能我腳程慢，又掛住影相，都行左個多小時～～好大的草坡
美中不足是呢度下面有個賽車場，好噪，山上也聽到飛車聲，破壞了美好環境，無怪它不能成為新界西的後花園
我的龍貓樹下
這裡還有白色的，粉紅加白，太美了
跟日本、韓國相比，香港一點都不輸蝕！！香港人別老是崇洋吧
我們只想隨便逛逛，沒有特別預備乾糧～～不過真係行到好肚餓，好彩有呢包餅頂住
巨蟹座又發作了，我地係度坐左差不多兩個鐘，望下花，聽下雀仔唱歌，聞下草與花的香氣～～呢一刻真係好舒服呀，成個人開心哂～～（我開心其實也不是太難吧～～）
朋友仔本來想繼續向上走，但我又太懶了，決定下次再來～～
而家正值春天，香港好多地方都有靚花睇，連我屋企樓下都開滿洋紫荊，大家不妨去發掘下，路過時好好欣賞下啦～～
返出去元朗，食咩好呢～～元朗其實我也不是太熟呀
最終去了大榮華，碟碟＄82
粟米魚肚羹，咸了少少
乳豬，唔錯
豉汁煎蝦，幾好，份量好多，蝦新鮮
羅漢素齋，呢個好難食，一pat 野，千祈唔好叫
點少得豬油撈飯，我怕油，只吃了一口，係好甘香既，不過都宜淺嚐了
好想食馬拉糕，但最少叫八件，只好作罷
送紅豆沙
服務好像越來越麻麻，但食物都仲係幾好，可以再來～～
Charge 了半天電，人真係要俾自己抖抖氣，我最愛這些活動～～
沒有留言:
張貼留言