呢排真係無咩心機寫野，媽媽有毛病，我也有小毛病，不過要聽醫生講，保持心境開朗～～放鬆放鬆～～
最開心莫過於食野，就講下過年既美味大餐
屋企做節去左＂八月＂，而家好似變左我地慶祝的御用飯堂，其實唔係覺得特別好食，只係貪佢唔洗迫我食套餐，可以散叫～～但食左幾次呢度既乳豬，我都覺得麻麻，普通酒樓比它還要好。其他小菜都唔錯
跟朋友仔做節，又係＂八月＂呀，本來唔係去呢度，但因為少少意外，最終四天內吃第二次。
兩個人比較難叫餸，所以今次選擇叫套餐。
龍蝦燕窩湯，味道不錯但唔夠熱
乳豬，如上述
海參鮑魚，ok
呢個炒飯幾好
呢個魚可惜是辣的，搶了鮮味
甜品不過不失
二人計五百多元，整體一般，沒有太大驚喜，有點物非所值，不過做節嘛，都吃得很高興
年初四去左食黃金食開年lunch buffet, 係呢幾年既指定動作。年初一至三本身好唔舒服，痛到飛街，一路都唔知去唔去到，不過最終都去左，開心嘛，一年一度點都要捧場，最多吃得謹㥀點吧
呢度環境好好，新春成人連加人每位約$270
雖然款式味道沒有大驚喜，不過食物質素是次要吧，最緊要過了一個開心下午
開年嘛，又去左我們的最愛的「粵」，又係黃金海岸呀
但新春期間只有套餐和新春菜揀，我平時愛的小菜都無得供應
黑椒牛仔骨，本來唔係叫呢個，但侍應落錯單，不過照食啦，見佢賣相唔錯，結果係好好味呀，一點都不辣，但有黑椒的香味，而且牛肉好淋，巧吃～～
魚蓉魚湯白菜仔，之前食過好好味，決定再叫，可能新春關係，魚蓉還釀了蝦米豬肉，好有口感，又係推介之作
食左咁多日都仲要叫，髮菜蠔豉，呢個反而中規中矩，沒有特別，唔通呢期吃得太膩？
開年嘛，要吃甜品呀，呢碗索價五十元的紅豆沙湯圓，只有兩粒迷你湯圓，堅貴，而且味道一般，唔值
紅棗糕，$38元，熱騰騰，值過紅豆沙
三個餸，兩個飯一個粥加甜品，埋單接近＄800，唔平架，不過開年嘛，呢度環境同服務仲有食物都不俗，仲有財神派朱古力，就豪一次啦（平日信用咭會有八五折，抵食好多架）
由一月中開始被小毛病陸續纏上，睇醫生睇到驚，到今日我都係好唔舒服，跟住可能要做個小手術添，堅煩呀～～都係自己飲食習慣唔好啦，又唔做運動，而家有排受了～～
健康是無價，希望大家羊年要身體健隶，心想事成～～我要好好調理先得～～
沒有留言:
張貼留言