2013聖誕東歐四國之旅~Day 2 Part 2

Day 2  Part 2  布達佩斯(Budapest)---艾格爾(Eger)—美人谷(Valley of Beautiful Lady)---霍洛克(Holloko)

出發前往世界文化遺產霍洛克(Holloko)，呢個城鎮貴為世界文化遺產，有58座中世紀外型建築物及別具特色的教堂。呢程車好似開左好耐，個個都攰到訓著左，一醒番，大約5點，成個天已黑哂，好似深夜2、3點咁，車外能見度幾乎係０，落車之後真係唔講得笑，極大霧，好凍，又濕，地面好滑，因為都結霜了，上機時只著了波鞋，未有換上雪靴，所以滑得走不動，唯有翹實朋友仔先行得郁 (天黑又大霧，所以一張村莊相也沒有影啊）

有當地婦女為我地表演，領隊話本來有一team人的，但可能已經＂太夜＂，所以得番兩個村民留係度等我地

有茶點

團友被邀請穿上民族服

 工藝品

 從前編織方法

邨民帶我們行村莊，但前路煙霧瀰漫，天氣太凍，又無街燈，又怕路滑，摸黑走路很疲累！大家都笑言去左鬼域，哈哈！為防跌腳跌親部相機，所以都係收埋部相機，無影相lu　（其實太大霧，根本什麼也影不到）
路太難走吧，係呢個時候，聽到團友蘇老先生安慰蘇太太：＂既來之，則安之＂，真係至理名言。

我們深信，日間來這條村莊應該會很美，可惜，歐洲冬天日照時間實在太短，加上天陰，真係日日係度影夜景。

大凍了，大家都急不及待上番車，車上溫度計只有1度，領隊話個溫度計應該壞了，無理由仲有1度，哈哈，真係堅凍，當時望出車外，真係伸手不見五指，沿路沒有任何街燈，說實在，大家都不敢睡，因為天太黑，地太滑…

也不知熬了幾耐，終於番出市區食飯

 

呢餐係台灣野，味道應是全程最差的膳食，但都沒有所謂吧，反正大家都太累，好想快些食完就返酒店

中餐就沒有特別影相了

返出去Budapest，到酒店已經係晚上9時半，勁攰啊

好彩第二天不用轉酒店，不過一樣要7點起身啊！

今明兩晚入住的叫Novotel，乾淨企理，只係水壓較差

Wifi了一輪（今次旅程的酒店全都有wifi，當中只有一間大堂才有，其他都可以安在房中上網），要眠了，好像已經運行左廿幾三十個鐘咁……

雖然很累，但依然訓得唔好，希望一路有改善啦