Day 9 Part 2
柏林(Berlin)-- 波次坦(Potsdam)-- 萬湖(Wannsee) ---采齊莉茵霍夫宮(Cecillienhof Palace of Garden)--- 忘憂宮(Sansouci Park)--- 茨溫格爾博物館
食飽又出發,跟住我地不停上車落車，每處停留5分鐘影相，這種走馬看花原諒我已記不起邊度打邊度了 (有一兩站我甚至唔想落車,大家都知啦,落車又要著哂褸,上車有暖氣又要除番哂,又著又除每度停留幾分鐘,真係有點吃不消)
我記得呢度好大風,好凍 
之前係網站見過,以為係國產A貨,原來係來佬貨,好醜呀!!
來到今日重頭節目，參觀茨溫格爾博物館，呢個係全團唯二自費項目，大約要港幣＄350。
前門好宏偉架,可惜做緊大型工程,影唔到,唯有由側門入
Deborah果然施展渾身解數，係兩小時帶我地游左轉世界歷史，由宙斯、阿波羅、巴爾幹半島、巴比倫、波斯等歷史故事，都有詳盡解說…….我亦不得不佩服大家在暖爆的博物館走了兩小時!!
其實歐洲人很有涵養，佢地真係會佇足係文物前，用耳筒聽著講解，慢慢細味歷史，唔似我地走馬看花。我們入場時見到售票處已排哂長龍，估唔到返出來時（大概四點）,依然有長長人龍等住入去，可想而知佢地有幾重視歷史文化呢樣野。
終於上完一整天歷史課，雖然有點悶，Deborah好嚴肅，但佢真係好堅，佢唔教書真係哂左！
領隊說，因為有部份團友未買夠，所以特意安排多一個購物點Lafayette俾大家買野（但其實是領隊要幫佢老細買錶呀）
因為對名牌始終不太有興趣，而且想explore多d野，就同朋友仔分道揚鑣。
我同另外兩位團友去左出面行下，又見到一個小型的聖誕市集，不過因為要俾錢入場，所以無去lu。(究竟我係呢10日見到幾多個聖誕市集呢,真係要數下先)
行左一陣，就去左Deborah介紹飲熱朱朱好出名的地方，Ritter
Sport，呢隻野係香港有得賣架。
揀好隻朱古力味，佢就會將成塊朱古力放入攪拌機，再加入熱牛奶，成為一杯極滋味的熱朱朱！
我地唔識睇德文,斷估咁叫左三隻味,都好好味呀，一杯大約港紙$40。仲附送一粒朱古力添!
呢間野好特別架，你仲可以揀選喜歡的材料，例如nuts, 生果，然後佢會幫你即場整一塊獨一無異o既朱古力，仲有好靚packing，本來好想整幾塊送俾人，但佢條龍長到嚇親人，人手又少，見佢地整得好慢!我地根本無時間去等佢雪好舊朱古力，唯有作罷。
呢間野除了有野飲，仲有零售賣朱古力，可惜我昨天已買了很多，所以即使知道佢幾好食，都唔敢入太多貨！（呢個決定明顯飲恨，昨日係KaDeWe買的朱古力超甜，呢間真係好食好多，可惜買得太少了！我自己最後只吃得一粒!!）
之後Join番大家，去食晚飯了，最後一餐晚飯大家情緒都好high呀！
蘋果汁同啤酒，領隊請wor
呢個濃湯寶幾對辦,但可能啱啱飲左杯熱朱,覺得呢碗湯好膩
牛扒餐！！可惜肉太老了！
甜品係草莓雪糕，總之唔係蘋果批就好了！！
今晚係Last night，返到酒店又差不多九點，本來諗住去酒店附近超市行下（呢間超市竟然收十點咁夜），但因為濕凍同攰，決定唔去了。
同朋友仔講左成程話夜晚要去酒店lounge飲杯野，Last 一晚,我地最終都敵不過沖個熱水涼敷過mask然後挨係張床度hea o既誘惑
好快pack好行李，就舒舒服服咁寫下postcard，東歐之旅即將完結！！
沒有留言:
張貼留言