2013聖誕東歐四國之旅~Day 1

 

2013聖誕東歐四國之旅

團員：小小的人與M小姐

地點：匈牙利、奧地利、捷克與德國

四個地方中，我最期待捷克(可能同以前讀西史的情意結有關），所以用了這個國家的照片作為開場照，第一幅是攝於早上的古姆洛夫（Ceske Krumlov)，是大夥兒的最愛；第二幅攝於黃昏的布拉格（Prague)。行程較為遜色的是德國，可能這個團所選擇德國的地區集中於市區，看不到它童話的一面。

Day 1 香港機場 to Frankfurt Airport

第二次踏足歐洲，仲要去過聖誕，好緊張！

是日因為要晚上8點45分去到機場，唔想太趕，特意請了半天假，放工返屋企沖涼食埋飯先出發（以為好優閒，點知執下執下行李，原來多半天都係好趕呀）

因為懶，今次我地都係跟團，亦再次參加翠明假期，收費是較貴，但有質素保證嘛。

團費：聖誕旺季價＄19680(連機場稅及燃油附加費) + 保險$300 + 領隊費$1320 = $21300　（淡季大約平＄2500）

至於洗費，其實都係因人而言，或者這些走馬看花團根本沒有機會去買地道野，供購物的地方只有百貨公司吧，想搵匈牙利的手製木首飾盒又找不到（應該係無機會搵），在德國想找兩款公仔又唔知點解無（在德國只有留在名店區，根本沒有機會去一些工藝小店）。除非買名牌，否則也不用預太多錢了。

去到機場，第一眼見到領隊，覺得佢有點hea,　當時佢正同兩個團友解釋過關事宜,　佢叫我等佢一陣，我就企係佢隔離,一路等佢,  一路whatsapp問朋友仔到左未, 當佢同兩位團友講完,轉頭對我說, “你頭先都聽到我講咩架呵”,我話我whatsapp緊, 無為意佢講咩,佢就話:”都係個d野啦,你行去counter  check in就得, 11點boarding”, 可能佢覺得大家都熟悉過關程序，但佢未免有點敷衍了, 不過是旦啦，no big deal,　過左關，我先發現原來要坐無人駕駛（雖然無相大雅，但以前d領隊會提我地預時間去乘無人駕駛，唔好行到唔知時間，可能佢覺得而家d人去慣旅行啦，所以唔需要特別知會…但,如果我係第一次飛呢?）

朋友仔由澳門過來,所以在海天碼頭上岸後已直入禁區。匯合左佢之後，就準備上機了！！

呢班機有少少delay，原本11時40分起飛,最終差不多12時20分才起飛。

我地會先飛11小時去 Frankfurt Airport, 再等2小時轉飛Budapest