2013聖誕東歐四國之旅~Day 5 Part 2

Day 5  Part 2

維他納(Vienna)--- 梅爾克修道院(Melk Abbey)---多惱河畔( Donau River)---古姆洛夫( Ceske Krumlov)

往捷克又要接近三小時的車程，換言之，去到又係天黑

沿途有雪景啊！！今次冬天來歐洲，卻看不到下雪，真係幾遺憾，好彩都有呢一幕！

中途站休息，進入捷克境，又飲杯熱朱朱取下暖先。呢度d熱朱朱雖然只賣10多元一杯，但有甜度揀，俾個讚！

古姆洛夫堪稱歐洲最美一個小鎮，係本團一個重點行程，雖然我地會係度住一晚，但聽朝一早就要離開。領隊話唔想我地只係能夠影到夜景，所以今日會同我地＂夜探＂古姆洛夫一轉，明天會遲些出車（其實都係遲一小時,即930便要出車），等我地朝早可以一早上山影番d日光相。

終於到達!!

抵步後只不過4時許，由於旅遊車子不能進，我地徒步入廣場，行李就酒店幫我地車入去，果然又天黑了，大家都抓緊時間，即刻登山！希望趁仲有少少光趕上山頂，順便要認下路呀！聽朝要自己上來了！

呢度完全有瑞士Zermatt的影子！！

 

到達城堡！聽說呢度城堡由兩隻黑熊守護著，但今晚搵唔到佢地，唔知聽日有無緣見過面呢？而城堡不是用磗砌，磗紋都是人手畫上去的！好得意呀!

跟時間競賽，天快全黑了！！半跑上山好攰呀！

Program mode

去到呢度，天黑齊了，發覺部無反機都招架唔住，真係好難影！！開閃光燈又唔靚！但個景咁靚，真係浪費左，希望聽朝唔好大霧啦！

Auto mode，偏紅

玩下effect先

逗留不夠廿分鐘，下山時已黑成咁

大街有個小型聖誕市集，不過都陸陸續續關門了

我地間酒店對正大街，好易搵！領隊話因為郊區，呢度d酒店比較撲素（非現代化），但價錢卻很貴，很少旅行社會安排係度住一晚，而我地今晚住的亦係呢區最貴個間，我信佢講o既，歐洲酒店真係好貴，仲要係一個咁靚o既地方，而翠明賣點就係食好住好嘛

我地今晚住的酒店叫Old Inn Hotel，有500年歷史架！

係咪好瑞士？
因為一點意外，我自己一個一陣間係度坐在好耐攪wifi, haha

小團友為我地展示wifi pw

今晚係最早返去酒店的一晚，好舒服，仲要安排係酒店食飯，這種才叫悠閒的旅遊嘛！我又想起上年的瑞士！！

可能係郊區，呢度水壓都係差少少。

平安夜晚飯安排係酒店餐廳食，見仲有1個多小時，訓住休息下上下網，點知今次就輪到iphone出事，頭先咪話有點意外o既（我地發覺當iphone ok, Android  就唔work,相反亦然）我部機只能在lobby上網，房就唔得，係lobby攪左一大輪，當時香港已經凌晨一點幾，我估唔到竟然仲有三個朋友仔同我whatsapp!!大家做咩咁夜都唔訓？？根住我又繼續試在房裡用wifi,佢又唔俾我重新login,　又cookies左之前login的紀錄，絕路下，我就著住對拖鞋，走出酒店去到大街，希望佢會remove 到我login的紀錄。

嘩，只不過六點幾，天氣又逆轉了，超大霧又濕又凍，鬼域feel 番哂黎，所有攤檔都關了，成條街都無人，我覺得隻腳好凍，即刻閃番入酒店。

神奇o既事又發生了，返上房終於上到網。

七點鐘就落去樓下食平安夜大餐！

豆蓉湯不俗

中間幾塊是牛肉，白色的是麵包，說實在，我覺得呢個主菜幾特別，幾好食，軟綿綿的麵包沾上酸酸甜甜的汁，好開胃！

梅開二度的蘋果批，好難食，大部份人都係食左少少就算……強烈要求唔要蘋果批呀!!

本來領隊話帶我地出去飲野，不過這個郊區的酒吧都關門了，出面又濕又凍，大家決定返房訓，聽日要超早起身，都係早點休息，就咁樣，就過左個非常早休息的平安夜lu