Day 4 Part 2 布達佩斯(Budapest)---維也納(Vienna)—-遜布倫宮(Schonbrunn Garden
& Palace)
裡面唔俾影相，不過tour guide(唔記得叫咩名)講得都幾淺白明快，所以都有用心去聽。
聽完就有45分鐘自由時間，又係趕到嘔
御花園，又係個句，如果有太陽…
原來有些旅行社去遜布倫宮係自費項目，有些團友會放棄入皇宮裡面參觀，只係係呢個御花園行下影下相都消磨好多時間，其實呢個花園真係幾靚，但大霧成咁，無咩時間影相都無損失o既
好鐘意呢個小森林，可惜…無太陽，仲要煙霧瀰漫
呢度都有個好大的聖誕市集，但我地完全無時間去望了
行左一陣，又係日落的時候了，才不過3時許
呢度有好多奧地利名物莫扎特朱古力賣，不過我之前試過真的好難食，嗜甜的我亦抵擋不住那種＂極甜＂，雖然係手信名物，但己所不欲，就一包都無買了。
驅車途中，經過了全奧地利最大型的聖誕市集，可惜不能下車，我見到裡面有好多有兩、三層樓咁高的樹，全部掛住一隻一隻bear bear!!好得意呀！！可惜車速太快，影唔到相！！
見到bear bear 樹好興奮，接著就抵達英雄廣場o既荷夫堡，只係四點幾咋！
嘩，大家又覺得去左鬼域，大霧到…天氣溫度又下降不少了.，點解可以咁大霧，但大家仍堅持嘗試去影相，呢個地方應該好靚，可惜……
連Tour Guide都忍不住講，又黑又大霧又凍，不如走咯…..（咁都得）
僅有的15分鐘自由時間，見到附近又有個小型聖誕市集，就去湊下熱鬧，歐洲人真係好重視聖誕！
本來都想買條腸仔試下，但條人龍實在太長，歐洲人又滋悠，時間又無多，所以只能作罷。
之後參觀swarovski水晶專門店，但其實裡面咩都有得買，好似雜貨舖，團友們不買水晶，反而去了買喼，這裡的RIMOWA好似話比ＨＫ平好多，普通29＂喼退稅後好像約＄5500（不是特別款），對我來說都係非常貴。而要帶走佢都唔容易，因為每人只能有一件寄倉行李，要帶佢走必先放棄自己o個喼！！究竟有無人咁做啦？哈哈
呢度又有好多孖人牌賣，但我太老定，以為沿路都會見到，所以唔買住，之後一路都見唔到，好擔心，好彩臨走一天終於買番！
今天晚餐吃中菜，是香港人開店的，真的比較好味！是全程三餐中菜中最好味的！團友們就係到買冰酒做手信。
之後，因為有部份團友自費去聽音樂會（始終都是音樂之都，應該去見識下，最貴門票大約港元＄600多）不過跟朋友仔自認對音樂不熟悉，所以都係打度回酒店！
今晚的酒店是Courtyard Marriott ，喜歡它的企缸（我不喜歡浴缸，而全程只有呢間酒店係企缸）
而今晚酒店亦是唯一一間要在大堂才有wifi的，有點遜色吧，朋友仔要留在Lobby覆msg，我一早就淋浴更衣，躺在床上差點睡了，呢晚算係訓得幾好啦
沒有留言:
張貼留言