Day 6 Part 2
古姆洛夫(Ceske Krumlov)--- 布拉格(Prague)---布拉格城堡(Hradcany Castle)---聖維特大教堂( St. Vitus Cathedral)--- 查理斯橋(Charles
Bridge)
首先步行至….大煲，呢度係邊度？？（我開始斷片，即使睇番份旅遊章程，都唔知個景點叫咩，呢個情況將會越來越嚴重，大家要有心理準備，鬼咩，到到都只係逗留十餘分鐘）
呢間starbucks的位置很吊脆
仍是灰濛濛的天空
開始多人，我唔鐘意咁多人！
進入布拉格之初，領隊已不停提我們一定要小心扒手，呢度唔單止熱門偷野，而且熱門搶野，叫我地事事留神！
買好飛夠鐘入聖維特大教堂(
St. Vitus Cathedral)，呢個景點我仲記得係咩，tour
guide邊行邊講，完全無俾我地時間停留影相，臨離開教堂前仲問我地係咪已經將重點影低了，真的吹脹
而入去呢間教堂，當地tour guide重覆又重覆叫我地小心小偷，攪到我地好緊張！！個個都將背包往前揹。
的確好多人，要格外留神！！
tour guide好rush咁帶住我地，又話呢條小巷都無咩特別，不如跟佢一齊行，費時再解散再集合，真係好求其呀佢，不過我地都覺得人太多，其實都唔想行了，所以我地就浩浩蕩蕩咁出發行去查理斯大橋
呢度都有心鎖架！！Cool 魔!! 呢張相好艱苦先影到，因為佢一路行一路催我地，唔俾我地停低，叫我地快d上橋！
去到查理斯大橋，亦係搶野最熱門的地方，領隊同tour guide不厭其煩叫我地小心包包，我地都嚴陣以待。
條橋太多人，寸步難移，又擔心財物，無謂為左影張相俾人搶相機，所以同朋友仔只能飛快影相，飛快的行過條橋。
布拉格的黃昏其實很迷人，我地行左只係十分鐘，天色一路轉變，好得意
勁多雀仔
可惜始終有霧……..
係呢個時候， tour
guide同我地say goodbye,連領隊都覺得既然佢咁趕，不如俾佢走，真係o哂嘴
跟著步行去布拉格舊城區
鐘樓
有聖誕市集，萬人空巷，大家都出來歡度佳節吧，領隊話開頭以為聖誕d舖頭會收哂檔，點知喜出望外，熱鬧過過年。我地就話搵食艱難，係呢d節日都要做生意呀，不過我地就無行了
未夠五點，已經黑過墨斗
係呢度有接近兩小時自由時間，跟朋友仔shop了一陣，我地終於出手買東西，無錯呀，我地去到第六日終於有野買！（查實之前一直無時間無機會，一係d野無特別，我地發現再唔買手信就大煲了！）
我買到捷克名物，木顏色筆，要成60 蚊港幣一支架！佢有咩特別？個筆頭有好多隻顏色架，當然是送給我的小最愛啦！
行左一輪，我地又出現濕凍疲累候群症，見到間starbucks就閃左入去了，有免費wifi呢。那時候，香港已經過完聖誕，訓哂覺了
去食聖誕大餐了！呢間野又幾grand wor
有啤酒賀一賀
呢個湯裡面有麵條，怪怪的，都係濃湯寶啦
中間兩塊白色又係麵包，不過無平安夜那晚咁好食了，其他是雜肉，不過不失！
又係蘋果批呀，大家都好失望！做咩成日都食蘋果批啫，又唔好食！
今晚住的酒店叫Hotel NH Prague，都算唔錯啦
呢晚訓得唔錯。不過住左幾晚酒店，訓訓下會都凍醒。記得係瑞士開左暖爐，蓋埋張羽絨被，通常會熱醒。但我發覺東歐酒店d被唔夠暖，有幾次都要起身著多件衫！
沒有留言:
張貼留言