2013聖誕東歐四國之旅~Day 10

Day 10

栢林(Berlin)---柏林圍牆(Berlin Wall)—查理Checkpoint

天氣：4-9度，天陰，有雨，寒冷

今日因為無咩景點，下午三點又要去機場，所以成11點先出車，我地訓到成8點幾，好舒服！

在德國最後一天的早餐

出發往栢林圍牆

成幅圍牆有500米咁長，我地都係象徵式行了一小段

 

 

The famous one

剛下了雨，在Hungary那種濕凍的感覺又番哂黎！

 我對呢隻bear bear最有興趣

 太凍了，拿拿臨閃番上部車。

跟住去到行程最後一個景點，東西德checkpoint，其實無咩野特別

之後領隊帶我地去孖人牌專門店，終於買到指甲鉗了！算做有所交待，團友係呢度亦作最後血拼！

今日午餐係全程唯一不包的一餐，因為無咩時間，我同朋友仔係Mcdonald and Starbucks之間，揀左前者。

兩個包,一個薯條加兩杯野飲,約港紙＄120，比西歐平吧

 

食飽飽出發往機場喇！！

一去到機場，大家都趕住去退稅，我d指甲鉗竟然都有得退wor, 攪左成間鐘，寄埋倉，栢林機場無wifi 的，機場又細又無野行，無無聊聊走左入去starbucks坐，同另外兩位來自澳門的團友吹左成個鐘頭水，我地要先乘1小時機到法克蘭福，再轉機返香港

呢程機沒有小食，只有welcome drink！

1小時好快過

去到Franfurt機場，又要等差不多兩小時才轉機，受同事所託去買免稅香水，順利完成任務！呢個機場有wifi，但訊號好弱，弱到都唔想上了！

終於要走喇！好掛住阿媽的湯水啊！！

飛機係當地時間約晚上10時起飛!都係個句，駕機係到等飛及爬升的時候，其實最有睡意，可惜差不多要睡著，即起飛2小時後，又派晚餐！！

人老左，清醒左又變得難以入眠。係呢個時候，就拿出紙筆，我唔係要寫遊記，而係要寫嘉許信！事關這團領隊很特別，由第一天開始便鼓勵每一個團友，對，係每一個團友給他一封嘉許信，呢種鼓勵由Day 1 last 到最後一晚上機前！事緣只有我跟朋友仔在最後一天也未交（好像講到交功課），領隊一整天都似乎若有所盼，哈哈。所以係我臨睡前，決定完成這項工作！坦白說，領隊的表現算做出色，但他是來自優質團的領隊嘛，要求高一點也不為過吧！不過既然能幫他達成願望，我覺得都沒所謂吧！

寫完信，其實醒左一半，呢晚比去程睡得更差！！