泰hea之旅－總結篇

今次係小小的人第三次去曼谷了，不過要數真正自遊行，今次才算第一次（上次只有其中兩天自己去玩，要計劃的東西不多）

係安排行程時，真係幾勞心勞力，因為要格價，要看評價（呢度好花時間），又要度時間，度”景點”之間的遠近問題，想預約時又無了原先想要的booking，跟住再預約其他日子，成個行程差不多要再重整，真係牽一髮動全身，跟住又無端端發現某景點同景點明明係附近（看地圖也是很煩的事，哈哈），但又分了兩天去，我地又要撥亂反正，再排過行程以免走回頭路，哈哈，跟住變左要再改booking

哈哈，係咪覺得我地好煩，但因為吸收左上次去東京的經驗，我覺得有一個好的計劃，先可以善用哂所時間，雖然話要hea，但我都想係短短四天的時間，試哂所有想去的食肆同spa，咁樣先唔會後悔嘛

所謂勞心勞力，其實都係講下，因為當我一邊計劃行程時，其實我都好享受呢個過程，而我亦好滿意今次o既安排呀

遊泰小貼士：

1.          如果有3至4人，強烈建議搭的士，因為每一程（不計機場至酒店那些）每人大約都係$2.5至$5到，比搭鐵路要方便同平。（就算得2個人，如果唔肯定某些地方的位置，都值得搭架，費時係條街到乾蒸嘛）

2.          記住要話用咪錶呀，不過如果真係蝦你去到好偏遠地方而又搵唔到的士，都要議個合理價

3.          要唱錢記住去Big C 的Super Rich，會高一點。

4.          而家好多較出名的食肆同做spa的地方，都可以係網上預訂，咁係安排行程上會方便得多。

5.          趁住係酒店時，搵人幫你將 d地方名譯成泰文，咁問起路來會方便多了

6.          唔好信哂網評，哈哈

泰hea之旅 Day 4

到左行程最後一日，我地都好早起身呀，因為要去靚靚泳池游下水

食完早餐就去游la，個泳池無得頂，我地好似淨係掛住影相

唔知係咪成兩個星期無游，我又唔識游la, haha,　咁即係證明左我仲未識游啦

游得五、六下，我又換唔到氣了，又要再特訓

不過我地係呢個泳池都練左差不多一個鐘頭水，好勁！！

梳洗完，我地又趕住參觀下間酒店（下？最後一日先來參觀？）

休息室，可自己沖Drink來飲

兒童室

小型電影院

圖書閣



參觀完，哎吔，差不多成１點，遲了成個鐘check out,我地仲諗住２點要出發去機場，但我地仲未食晏，同仲想去Central world買下野，哈哈



唔理了，寄存完行李，我地就急步行去Central world

入到去Central world，我地都仲買了少少野，然後先去搵野食

成個　food mall咁大，應該有好多選擇，但我地無咩時間，有咁橋見到旅遊書有介紹的 mango tree，　就決定揀它了（但有很多網民都覺得呢間野麻麻）

我地就以身犯險啦，哈哈

呢個鷄肉好好味

豬頸肉,不俗

海鮮天使麵,也不俗

泰國的炒河真的好好食,間間都係

天氣咁熱,飲西瓜汁最好

芒菓糯米飯,都好,但始終不及文華東方的驚為天人,哈哈

呢餐每人約要＄50-60，我覺得幾好食，可以一試。

返到酒店，叫佢地幫我地截的士，由於多左幾個手提行李，一架的士已載不到我地四人，所以決定分兩架。而我同 S小姐所坐的，應該是全旅程裡，遇到最差的一個的士司機，因為我地一早同酒店講係要行咪錶，所以上車後就無多問司機，但坐下坐下又多口問下佢，點知佢真係話要400 baht 包上埋highway，同佢爭拗左幾句，佢唔啋我地，不過就默認左要用番咪錶，成程車就黑口黑臉。

去到機場，見到領隊同遊雲中的C小姐同個司機講緊400 baht的問題，經過一輪擾攘，都係要計番我地咪錶

所以話，係曼谷搭的士，上車前一定要講清楚行咪錶呀



哈哈，去到機場差不多3點半，我地係搭5點機的，行了一陣就可以上機了

返到香港差不多9點，因為第二天就要返工（按：好低能，下次點都唔制），想早些執東西同訓覺，所以呈商兩名團友可唔可以搭的士，哈哈，就俾我做埋最後一刻的濶太吧

泰hea之旅Day 3- Part2

呢一晚我地選擇係Coran附近的姐娥餐廳，的士車程大概10分鐘，都係約10幾港紙啦。

而呢一餐亦係我地認為全個旅程最好味的一餐，至少比建興好好多。

呢位仁兄識講少少普通話，服務態度好好，極力推介我地食黑椒炒蟹。

 呢碟蟹要成$300，不過真係好好味

叫佢少少少少少辣，真係一d紅色都無，但都辣到飛街

好好味的炒粉，不過食多幾啖都係好辣

辣菜一碟，其實都好味

呢個我食得最多，好好味，建興真係好差勁

呢餐每人大約要$130，真係一分錢一分貨，不過我諗係西貢同流浮山都食唔到咁o既價錢。而對我來說，雖然係好食，但真係好spicy，即使我地叫佢要少少spicy，但嗜辣的C小姐都話好辣呀，要飲兩個椰青先掂，難怪我食少少都已經眼淚鼻水都出齊。

跟住我地又搭的士返Big C,嘻嘻，聽日要返香港la,要最後一擊，又再買了少少野。

跟住我地就去左附近只落成半年的Centara Grand hotel，去佢55樓的Red Sky飲杯野，諗住為旅程劃上圓滿句號

(因為我地一袋二袋咁，領隊曾提議我們先回自己酒店放低東西，然後再去Red Sky，但一來一回差不多要半小時，那時又已經成11點半，我覺得太累了，就話直接去啦，我地遊客來嘛，點解唔俾人一袋二袋。點知一去到門口，個職員見到我地咁，皺一皺眉，就示意我地將物品放係餐廳內，然後先叫我地出去＂露天茶座＂，雖然佢跟住都係笑哂，但我感覺就不太良好了)

不過跟住服務都尚算不俗，而且可以看哂曼谷夜市，都幾好，只係因為係室外，可以俾人食煙，d煙味一吹埋來就大煞風景了。

剛剛落完雨，所以好涼快





因為太黑，影極都唔掂，所以用官方網頁的圖片俾大家看下佢真面目。

（取自官方網頁）

我太鐘意飲茶

每人一杯野，大約$40一位啦

飲到咁上下，因為要pack行李，所以都要返去酒店la，本來只係15分鐘的路程，但我地太攰，哈哈，都係搭的士la，因為咁近，所以10蚊港紙都唔洗。

哈哈，戰利品

呢晚又攪到3點幾先訓，第二朝要去游水，要抖足精神呢！！

泰hea之旅Day3 -Part1

又8點3起身

成返個早餐先

跟住我地抓緊時間，去到Central World 又shop左一陣，有少少收穫咁啦，仲去埋7樓那個號稱全Asia 最大o既Food Hall逛逛。差不多12點，我地又要去食野la, Central World都有截的士服務，很好，但我地被安排搭了一架很殘舊的的士（按：曼谷而家d的士大部份都很新，仲乾淨過香港的），而呢位司機是disabled的，雖然話唔可以歧視，但見到單手駕車，仲要行得好快，都有少少驚架。

我地book 左位於Asok o既Palazzo Ristorante & Wine bar食lunch buffet

又係咁la，未入到門口佢地已經叫得出我地啦，唔通我地真係咁異相？

呢間係食意大利菜的，主要顧客都係住係附近的日本人

佢頭盤係任食，再包每人一間主菜、甜品同飲品。每人約＄100港紙

 部份頭盤

 餐湯,唔係咁掂

以下是我們的主菜

 海鮮麵

魚

墨魚 麵

 我的超creamy意式雲吞

甜品:

雖然食物質素不是太出眾，不過服務也不錯。（開頭覺得佢地木口木面，我地都唔多鍾意，但我地臨走前，佢地主動話俾我地知就快落雨，問我地跟住去邊，然後幫我地截的士，咁服務都算唔錯啦，哈哈）

跟住我地搭的士去Asok　的BTS站，全個旅程的重頭戲來了！

我地book 了Coran做Spa ，呢間野服務好好，用電郵通知我地230係Asok站

o既ROBINSON DEPARTMENT門口等（好易搵的），佢地會搵架金色Toyota接我地去做Spa，嘻嘻，一上車成架都係香薰味，仲播d好relax音樂，令人好期待（pick-up service is free ga）

我地揀左一個$600蚊package(算啦，一生總要豪一次)，包焗steam, 磨沙，massage 同facial。

 先做一個問卷,等技師更加清楚我們的需要

揀香薰油

我地被安排2人一間房，見到間房好靚，但只有一個浴缸，已經心知不妙。

有個小型蒸氣室

浸牛奶浴的時候真係二人一起？？？？？雖然我同團友都遮遮掩掩，不過都實在有點宜那個吧，我地登時對呢間野打了折扣。

當我津身起準備做massage時，竟然發現佢地已經安排左一個小型tea俾我地hea下，好貼心的服務，我登時覺得好優閒，又好闊太咁，又加番分俾佢。當你食完後，你只需敲敲小鐘，staff先會入番間房，過程絕對係好享受。

係我食緊雪糕之際,團友們係呢間Coran都買到野,可惜佢無賣磨沙產品,如果唔係我都會幫襯架

呢個spa總共做了4小時，除了那個二人同浸的問題，其他都很好，服務態度一流架。跟住仲幫我截的士搵野食呢。

泰hea 之旅 Day 2-Part 2

BTS 去到Siam站，唔得la，頭先乾蒸左成半個錯，我要飲番杯野先

Oh，我竟然見到佢！！Greyhound cafe，係旅遊書介紹過覺得好吸引，佢最出名係無骨鷄翼，但plan唔到時間去食，所以就無留意佢係邊，點知真係撞到佢了！！

呢度環境唔錯，食物也不錯，但服務很差，d人木口木面，態度又差，我諗係我地成個旅程，遇到最差一間服務o既食肆，大家可以blacklist佢.

 馳名無骨雞翼,不俗

good too

叫錯左,我應該叫杯係一粒粒檸檬冰做的lemon tea, but it is ok too

呢餐約每人40元港紙

食完又有番力氣la，逛了Siam center, Discovery,同MBK，不過d野唔多啱太家心水，於是決定食完飯再行夜市。

係MBK都有的士服務，有專人會幫你截的士的，我們去到唐人街，求其搵左間餐廳(好似叫南星)食翅。

ok la

蝦很爽，但不夠味

熱烈推介，炒河粉

不俗

呢餐每人約８0元

因為發覺泰國有些的士司機唔識英文，所以搵起路上來好麻煩，今次我地特登叫老闆幫我地將夜市o既英文Suan Lum Night Market譯成泰文，俾司機一看就明白了。

記憶中，我第三次去呢個夜市，佢係遊客區，d野比較有泰國特色，不過今次就無咩收穫

乘的士回big c　已經差不多十點，我地太攰了，決定係big c間Relaxation到做腳同neck massage，但呢間野有男師傅，我地要等女師傅要等成半個鐘呀

1小時大約要100元港紙，服務中規中矩啦



返到酒店又十二點了，嘻嘻，跟住我地係間靚房開左個小Party，慶祝兩位八月之星的牛一。而我地係room service呢度發生左一段小插曲，好好笑，在此也不細表了

又攪到3點先訓得